კომპანია „ბილაინმა“ სამთავრობო ტენდერში ვერ გაიმარჯვა. კონსოლიდირებული ტენდერი, რომლის მიზანიც სამთავრობო სტრუქტურებისთვის კორპორატიული მობილური მომსახურების შესყიდვა იყო, ხელახლა უნდა ჩატარდეს.
ტენდერში წელს მხოლოდ კომპანია “ბილაინი” მონაწილეობდა, რომელმაც კომუნიკაციების კომისიის ცნობით პირობები ვერ დააკმაყოფილა, რადგან რამდენიმე ქალაქს მესამე თაობის ინტერნეტი არ აქვს.
"ბილაინი" გადაწყვეტილებას არ ეთანხმება და საკუთარი პოზიციის დაცვას სამართლებრივი გზით გეგმავს.
კომპანიაში აცხადებენ, რომ მათ მესამე თაობის ინტერნეტზე ლიცენზია დეკემბერში შეიძინეს და მომსახურების გაწევაც შეუძლიათ.
საპასუხოდ, კომიასია ამბობს, რომ პირველი თებერვლის მონაცემებით, დრაივ-ტესტის საფუძველზე დაადგინდა, რომ შპს „მობიტელის“ ქსელი რამდენიმე ცენტრალურ ქალაქში არ ფუნქციონირებს.