საკონსტიტუციო სასამართლოს პირველმა კოლეგიამ კანაფის დათესვა-კულტივაციისთვის სასჯელის განსაზღვრის რეგულაციებზე სარჩელის არსებითი განხილვა დაიწყო. პროცესი უკვე 6 საათს გრძელდება.

კოლეგია სამ გაერთიანებულ სარჩელს განიხილავს, რომელთაგან ერთ-ერთი „თეთრი ხმაურის მოძრაობას“ ეკუთვნის. მოსარჩელე კონსტიტუციასთან შეუსაბამოდ მიიჩნევს სისხლის სამართლის კოდექსის 265-ე მუხლის იმ ნაწილს, რომელიც კანაფის დათესვისთვის თავისუფლების აღკვეთას ითვალისწინებს.

მოსარჩელე მიიჩნევს, რომ რეგულაცია ზედმეტად მკაცრია და ეწინააღმდეგება კონსტიტუციის მე-17 მუხლს, რომლითაც დაცულია ადამიანის ღირსება.

პროცესზე მოწმის სტატუსით ექსპერტებთან ერთად, მოსამართლეები სადაო რეგულაციასთან დაკავშირებით შინაგან საქმეთა, პროკურატურის, იუსტიციისა და ჯანდაცვის სამინისტროების წარმომადგენლები იკითხებიან.