საპრეზიდენტო არჩევნების შემდეგ ვირტუალურ სივრცეში აქტიურობით ზეგავლენა მოახდინეს ქართველებმა NBA-ის ყველა ვარსკვლავის შესარჩევზე.
ზედიზედ მეორე წელია, ზაზა ფაჩულიას „ყველა ვარსკვლავის მატჩში მონაწილეობისთვის“ ძალიან ცოტა აკლდება. თუ შარშან ეს გულშემატკივართა შედარებით პასიურობამ და საკმარისზე 14 ათასით ნაკლებმა ხმამ განაპირობა, წელს მიზეზი სულ სხვა იყო.
საქართველოს ნაკრების კაპიტანმა მილიონ-ნახევარზე მეტი ხმა მიიღო, დასავლეთის შემტევებში მეორე ადგილი დაიკავა, მაგრამ შეცვლილი წესების გამო, საკმარისი ესეც არ აღმოჩნდა. თუმცა „ოლ სტარში“ მოხვედრის შანსი ფაჩულიას ჯერ კიდევ აქვს.
რამ განაპირობა „გოლდენ სტეიტ ურიორიზის“ ქართველი ცენტრის სასტარტოში ვერ მოხვედრა და რა შემთხვევაში მიიღებს იგი მონაწილეობას ნიუ ორლეანში გასამართ ვარსკვლავების შეხვედრაში, ჩვენი სიუჟეტიდან შეიტყობთ.