მედიის ყურადღების ცენტრში, ამჯერად, ცესკო-ს თავმჯდომარის ხელფასი ხვდება.

სააგენტო ონ.ჯის მონაცემებით, თამარ ჟვანიამ 2016 წლის განმავლობაში ანაზღაურების სახით, ჯამში 200 000 ლარამდე აიღო. ხელფასთან ერთად იგულისხმება დანამატები და პრემიებიც.

გასაჯაროებული ციფრების გამო, არასამთავრობო ორგანიზაციები შრომის ანაზღაუარების შესახებ კანონის შეცვლას და პრემიების გაცემის კრიტერიუმების მკაცრად გაწერას მოითხოვენ.

თავად საარჩევნო ადმინისტრაციის ხელმძღვანელი კომენტარს არ აკეთებს.