,,გაზპრომთან” მიღწეული შეთანხმება ისევ უთანხმოების მიზეზია. საპარლამენტო და არასაპარლამენტო ოპოზიცია ენერგეტიკის სამინისტროს მინსკის მოლაპარაკებების და ახალი ხელშეკრულების პირობების გასაჯაროებას სთხოვს.

ოპონენტები რუსული ენერგო-კომპანიის მხრიდან გაზის ტრანზიტისთვის პირობის შეცვლაში პოლიტიკურ რისკებს ხედავენ. ანალოგიური ეჭვები აქვს ახალგაზრდა იურისტთა ასოციაციასაც, რომელმაც კალაძის უწყებას ძველი და ახალი ხელშეკრულებების ასლების გადაცემის მოთხოვნით დღეს ოფიციალური წერილი გაუგზავნა და პასუხისთვის 10-დღიანი ვადა მისცა. დღეს ,,მოამბე” შეეცადა, გაერკვია, რა იცვლება საქართველოსთვის ბუნებრივი აირის ტრანზიტის ახალი ფორმით.