ბრიუსელში, ნატო-ს შტაბ-ბინაში 17-18 იანვარს ნატო-ს სამხედრო კომიტეტის შეხვედრა ტარდება, რომელსაც ნატო-ს ქვეყნების თავდაცვის მინისტრები ესწრებიან.
აღნიშნულის შესახებ ინფორმაცია ნატო-ს ოფიციალურ საიტზე გამოქვეყნდა. თავდაცვის მინისტრები განიხილავენ ნატო-ს სარდლობის სტრუქტურის ფუნქციონალურ შეფასებას, ნატო-ს გაძლიერებული თავდაცვისა და შეკავების პოლიტიკას და სტაბილურობის ინიციატივის განხორციელებას. ასევე, ფართო დისკუსია იქნება რუსეთის თაობაზე.
18 იანვარს გაიმართება შეხვედრები პარტნიორებთან საქართველოდან და უკრაინიდან. ქართულ მხარესთან შეხვედრაზე განიხილება თავდაცვითი რეფორმის მიმდინარეობა და მიღწევები, ნატო-საქართველოს არსებითი პაკეტის იმპლემენტაცია. სამხედრო კომიტეტის შეხვედრა ბრიუსელში წელიწადში ორჯერ ტარდება.