ფინალურ ეტაპზეა ერთ-ერთი რეზონანსული საქმის სასამართლო განხილვა. ე.წ. კაბელების საქმეზე სააპელაციო სასამართლოს მოსამართლე სათათბიროდ გავიდა, თუმცა განაჩენის გამოცხადების დრო ჯერ უცნობია.

თავდაცვის სამინისტროს ხუთი ყოფილი მაღალჩინოსნის ადვოკატები წინა ინსტანციის იმ ვერდიქტს ასაჩივრებენ, რომლითაც ბრალდებულებს 7-7 წლიანი პატიმრობა მიესაჯათ.

დასკვნით სიტყვაში საქმის ფიგურანტებმა, დღეს, დანაშაული კიდევ ერთხელ უარყვეს და ხაზი გაუსვეს, რომ „დელტაკომთან“ შედარებით „სილქნეტის“ მიერ შეთავაზებული პირობები უფრო უკეთესი იყო.

საპირისპიროს ამტკიცებს პროკურატურა. საბიუჯეტო თანხების გაფლანგვაში მსჯავრდებულთა პროცესზე პოლიტიკური განცხადებებიც გაკეთდა.