სტეფან პეტრანსელი რალი დაკარის საერთო ჩათვლის ლიდერია. გუშინ გამართულ მე-7 ეტაპზე, რომელიც ბოლივიაში შედგა, ლა პასსა და უიუნის შორის, პეჟოს ფრანგმა პილოტმა საუკეთესო შედეგი აჩვენა.
მეორეზე მისივე თანამემამულე და თანაგუნდელი, სებასტიენ ლოები გავიდა, ხოლო მესამე დრო ტოიოტას სამხრეთ აფრიკელმა პილოტმა ჟინელ დე ვილერსმა აჩვენა.
შვიდი ეტაპის შემდეგ, პეტრანსელის ეკიპაჟი კვლავ ლიდერია და უახლოეს მდევარ, ლოები-დანიელ ელენას დუეტს წუთით და 57 წამით უსწრებს.
მოტიციკლისტთა შიჯიბრში კი, მეშვიდე ეტაპზე, ჰონდას მრბოლელებმა იმარჯვეს, პირველი-მეორე ადგილები, შეაბამისად, ამერიკელმა რიკი ბრეიბეკმა და პორტუგალიელმა პაულო გონსალვეშმა დაიკავეს, მესამე შედეგი კეტეემის გუნდის ბრიტანელმა წარმომადგენელმა სემ სანდერლენდმა აჩვენა