უთანხმოების საგნად რჩება უმაღლესი განათლების შესახებ კანონში 45-ე მუხლის ცვლილების საკითხიც.

თბილისის სახელმწიფო უნივერსიტეტის სტუდენტური მოძრაობა ,,აუდიტორია 115” და თვითმმართველობის წარმომადგენლები გუშინ საღამოს განათლების კომიტეტის თავმჯდომარეს შეხვდნენ.

მარიამ ჯაში ,,აუდიტორია 115-ის” მოთხოვნას იზიარებს და ფიქრობს, რომ სტუდენტური თვითმმართველობის არჩევა პირდაპირი წესით უნდა მოხდეს.

კომიტეტის თავმჯდომარე სტუდენტებს საკუთარ ხედვას წერილობითაც გადაუგზავნის, რის შემდეგაც თემის გარშემო კონსულტაციები გაგრძელდება.

ამ დრომდე უცნობია, დატოვებს თუ არა სტუდენტური მოძრაობა უნივერსიტეტის მეექვსე კორპუსს, რომელიც რამდენიმე კვირაა პიკეტირებულია.