მკვეთრად შეცვლილი ციფრები სავალუტო პუნქტებში. ლარი სამიან ნიშნულს უახლოვდება. ერთი დოლარის ოფიციალური ფასი ორი ლარი და 74 თეთრია, რაც იმას ნიშნავს, რომ ეროვნული ვალუტა დღეს, ექვსი თეთრით გაუფასურდა.
ვალუტის გადამცვლელ პუნქტებში დოლარის ღირებულება უკვე ორ და რვიან მაჩვენებელს აღწევს.
დევალვაციის შესაჩერებლად ეროვნულ ბანკს ლარის მასის სასწრაფოდ შემცირებისკენ მოუწოდებენ.
შექმნილ ვითარებაში ხელისუფლების მიმართ განსაკუთრებით კრიტიკულია საპარლამენტო ოპოზიცია, რომელიც კურსის ვარდნას მთავრობის არასწორი ნაბიჯებით და ახალი ეკონომიკური გეგმით ხსნის. თუმცა, სწორედ ამ გეგმაში ხედავს გამოსავალს მმართველი გუნდი, რომელიც ისევ საგარეო ფაქტორებზე საუბრობს.
პროგნოზები პესიმისტურია. ეკონომისტების ნაწილი, ახალი წლის შემდეგ ეროვნული ვალუტის კურსის კიდევ უფრო ვარდნას ვარაუდობს.
სალომე ქოქიაშვილს ვრთავთ პირდაპირ ეთერში