ე.წ. ნავთლუღის სპეცოპერაციის საქმის განხილვა, რომელზეც კუდის ყოფილი დირექტორი დათა ახალაია და კიდევ ერთი ყოფილი მაღალჩინოსანი გიორგი დგებუაძე, იგივე მასტერა არიან ბრალდებულები, დასასრულს უახლოვდება,

მტკიცებულებათა გამოკვლევის შემდეგ დღეს სასამართლომ სახელმწიფო ბრალდებისა და დათა ახალაიას ადვოკატის დასკვნითი სიტყვები მოიმინა.

უფლებადამცველმა გამოკვლეული მტკიცებულებების შეფასებისას განაცხადა, რომ მოწმეების სასამართლოში დაკითხვა მათზე ზეწოლის გამო ვერ მოახერხეს,

ინფორმაციას კატეგორიულად უარყოფს პროკურატურა, სახელმწიფო ბრალდება დარწმუნებულია, რომ სასამართლო გამამტყუნებელ განაჩენს გამოიტანს.

20 დეკემბერს ჩანიშნულ სასამართლო სხდომაზე ბრალდებულის საბოლოო სიტყვას მოისმენენ, რის შემდეგაც მოსამართლე სათათბიროდ გავა.

დღესვე ცნობილი გახდა, რომ განაჩენი, სავარაუდოდ, 21 დეკემბერს გამოცხადდება. ბრალდებულებს გამოძიება ე.წ. ნავთლუღის სპეცოპერაციისას 3 ახალგაზრდის განზრახ მკვლელობასა და უფლებამოსილების გადამეტებას ედავება.