არასამთავრობო ორგანიზაციები საქალაქო სასამართლოს მიმართავენ. მესამე სექტორი მიიჩნევს, რომ პროექტ „პანორამა თბილისის“ წინააღმდეგ წარდგენილი სარჩელის განხილვა დროში გაჭიანურდა.

სარჩელი პროექტისთვის გაცემული მშენებლობის ნებართვების გაუქმებას გულისხმობს. ამ მიზნით მათ სასამართლოს ივლისში მიმართეს, თუმცა ჩატარდა მხოლოდ ერთი პროცესი. მათი თქმით, სარჩელის განხილვის სავარაუდო თარიღთან დაკავშირებით საქალაქო სასამართლო მათ ინფორმაციას არ აწვდის.

არასამთავრობო ორგანიზაციათა კოალიციაში, რომლებმაც აღნიშნული სარჩელი შეიმუშავეს, სულ 7 ორგანიზაციაა გაერთიანებული.