სირიაში საბრძოლო მოქმედებების შეწყეტისა და დაზარალებული რაიონებისთვის ჰუმანიტარული დახმარებით უზრუნველყოფის შესახებ გაეროს გენერალურმა ასამბლეამ რეზოლუცია მიიღო.

კანადის მიერ წარდგენილი რეზოლუციის პროექტს მხარი 122-მა სახელმწიფომ დაუჭირა, წინააღმდეგი კი 13 სახელმწიფო იყო, მათ შორის რუსეთი, ბელორუსი, ირანი და სირია. კენჭისყრისას თავი 36 ქვეყანამ შეიკავა.

რეზოლუციის ტექსტში აღნიშნულია, რომ სამოქალაქო პირებსა და სამოქალაქო ობიექტებზე თავდასხმები დაუყოვნებლივ უნდა შეწყდეს და ქალაქებისა და დასახლებული პუნქტების ალყა უნდა მოიხსნას.