დონალდ ტრამპის ადმინისტრაცია შეერთებული შტატების ცენტრალური სადაზვერვო სააგენტოს საიდუმლო ანგარიშს ეხმაურება, რომლის მიხედვითაც, რუსეთი ამერიკის 2016 წლის საპრეზიდენტო არჩევნებში ტრამპის სასარგებლოდ ჩაერია.
შტატების არჩეული პრეზიდენტი ბრალდებებს უარყოფს და სადაზვერვო სააგენტოს აკრიტიკებს.
„ეს იგივე ხალხია, ვინც განაცხადა, რომ სადამ ჰუსეინს მასობრივი განადგურების იარაღი გააჩნია. არჩევნები დიდი ხნის წინ დასრულდა - დროა წინ წავიდეთ და ამერიკა კვლავ დიადი გავხადოთ“, - განაცხადა ტრამპმა.
შეგახსენებთ, რომ აშშ-ის ცენტრალური სადაზვერვო სააგენტოს საიდუმლო მოხსენების მიხედვით, რუსეთის მთავრობასთან კავშირში მყოფი პირები ტრამპს არჩევნებში გამარჯვებაში ეხმარებოდნენ. ამ ბრალდებებს, ტრამპთან ერთად, კრემლიც უარყოფდა.