უკანონო ნადირობის ფაქტი კახეთში. დედოფლისწყაროში სამართალდამღვევები ე.წ. პროჟექტორის გამოყენებით ნადირობდნენ.

უკანონოდ მოპოვებული ჰყავდათ ერთი ერთეული კურდღელი და საქართველოს ,,წითელი ნუსხის“ სახეობა, 16 ერთეული სარსარაკი.

ფრინველი, საერთაშორისო კონვენციების თანახმად, შეტანილია საერთაშორისო "წითელ ნუსხაში" და მისი მოპოვება აკრძალულია.

გარემოზე მიყენებულმა ზიანმა 24 000 ლარი შეადგინა. დაკავებულებს ჩამოერთვათ და დაილუქა იარაღები. შედგა ადმინისტრაციული ოქმები. მასალები შემდგომი რეაგირებისათვის შესაბამის საგამოძიებო უწყებებს გადაეგზავნება.