გიორგი კვირიკაშვილი ყველას მოუწოდებს საბანკო სექტორის მიმართ დაუსაბუთებელი ბრალდებებისგან თავი შეიკავონ.
განცხადება ამის შესახებ პრემიერმა მთავრობის დღევანდელ სხდომაზე გააკეთა. როგორც პრემიერი აღნიშნავს, საქართველოში ფინანსური ინსტიტუტები ერთ-ერთი ყველაზე განვითარებული სექტორია და მათი ჩართულობა რეფორმების პროცესში ძალიან მნიშვნელოვანია. უსაფუძვლო ბრალდებები კი პროცესზე უარყოფითად მოქმედებს.
ამერიკული დოლარის მიმართ ლარის კურსის გაუფასურებაში ბანკების როლზე გამოთქმულ ბრალდებებს ეხმაურება "თი-ბი-სი ბანკის" დამფუძნებელიც.
მამუკა ხაზარაძე აცხადებს, რომ ლარის კურსის გამყარებაში, პირველ რიგში, ბანკები არიან დაინტერესებული . ეროვნული ვალუტის გაუფასურება კი კომერციულ ბანკებს სერიოზულ პრობლემებს უქმნის.