რესპუბლიკელებიც და პარტია “ქართული ოცნებაც” არჩევნებში დამოუკიდებლად მიიღებენ მონაწილეობას. მსგავსი გადაწყვეტილება, შესაძლოა, კოალიციის კიდევ ერთმა წევრმა სუბიექტმა „ეროვნულმა ფორუმმაც“ მიიღოს. პარტია „ქართული ოცნების“ გადაწყვეტილება გიორგი კვირიკაშვილის და დავით უსუფაშვილის შეხვედრის შემდეგ გახდა ცნობილი. ეს შეხვედრა კი რესპუბლიკელების გადაწყვეტილების გამოცხადების შემდეგ დაინიშნა. ისინი არჩევნებში ინდივიდუალურად მიიღებენ მონაწილეობას, მანამდე კი არც კოალიციას და არც თანამდებობებს არ დატოვებენ. თანამდებობების შენარჩუნების პირობა მათ პრემიერმაც ტელეკამერების წინ მისცა. „რესპუბლიკური პარტია“ ოპოზიცია არ იქნება და მას პარტია „ქართულ ოცნებასთან“ პარტნიორულ კონკურენტული ფორმატი ექნება.