საქართველოს საგარეო ვაჭრობა იანვარში წინა წლის მაჩვენებელთან შედარებით, 24%-ით შემცირდა. საქართველოს სტატისტიკის ეროვნული სამსახურის წინასწარი მონაცემებით, ექსპორტი 22%-ით, ხოლო იმპორტი - 25%-ით არის შემცირებული. 2016 წლის იანვარში საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 528 მლნ აშშ დოლარი შეადგინა. აქედან, ექსპორტი 122 მლნ აშშ დოლარი იყო, ხოლო იმპორტი - 406 მლნ აშშ დოლარი. საქართველოში არსებული სავალუტო კრიზისის მანძილზე ეს იმპორტ - ექსპორტის ყველაზე დიდი ვარდნაა.