თბილისს ცნობილი ფეხბურთელი, კრიშტიანუ რონალდუ სავარაუდოდ, უკვე ეწვია. ის საქართველოში მეორედაა. ვარსკვლავი თბილისს 2013 წელსაც სტუმრობდა.

რამდენიმე საათის წინ, მან სოციალურ ქსელში სასტუმროს საცურაო აუზზე გადაღებული ვიდეო გაავრცელა, რომელშიც გულშემატკივარს მხარდაჭერისათვის მადლობას უხდის, ხოლო მედიას აკრიტიკებს, რომელიც მის პირად ცხოვრებას განიხილავს.

თბილისში პორტუგალიის ეროვნული ნაკრები ჩამოვიდა, რომელიც ევროპის 2016 წლის ჩემპიონატის საკვალიფიკაციო ეტაპის მატჩში 13 ივნისს ერევანში სომხეთის ნაკრებს დაუპირისპირდება, ხოლო წინასამატჩო მომზადებას კი სწორედ საქართველოში გაივლის.

ნაკრების პირველი ვარჯიში 8 ივნისსაა. ვარჯიშები 12 ივნისამდე გაგრძელდება.