ქართულ-ამერიკული სამხედრო მანევრები „ღირსეული პარტნიორი 2015“ ვაზიანში გაიხსნა. წვრთნებში მონაწილეობას 600 ქართველი და ამერიკელი სამხედრო მიიღებს. ღირსეული პარტნიორი 2015 უპრეცედენტო მანევრებია როგორც საქართველოს, ასევე ნატო-ს სწრაფი რეაგირების ძალების ისტორიაში. პირველად საქართველოში მანევრებში მონაწილეობის მისაღებად ამერიკული სამხედრო ტექნიკა ჩამოვიდა - 14 ბრედლის ტიპის ქვეითთა საბრძოლო მანქანა და ლოგისტიკური უზრუნველყოფის მანქანები. მანევრებში 300 ამერიკელ მედესანტე და ქვეითი მონაწილეობს, ნატო-ს სწრაფიო რეაგირების ძალების ქვედანაყოფებიდან, რომლებიც ამჟამად როტაციის პრინციპით გერმანიაში განლაგებული. ამერიკული სამხედრო ტექნიკის ტრანსპორტირება ბულგარეთის პორტ ვარნადან ბათუმამდე გემით პირველად განხორციელდა.