■ არასამთავრობო ორგანიზაციების ნაწილმა საპროტესტო აქცია „არა ნაცტერორიზმს“ გამართა. აქციის მონაწილეებმა მსვლელობით რუსთაველის გამზირის გავლით პარლამენტის შენობასთან გადაინაცვლეს.
მათი თქმით, აქციის მიზანი „ნაციონალური მოძრაობის“ რეჟიმის გასამართლება და მათი მმართველობის პერიოდში ჩადენილი დანაშაულებში მონაწილე პირების დასჯაა.
როგორც არასამთავრობო ორგანიზაცია „თავისუფალი თაობის“ ლიდერმა ლადო სადღობელაშვილმა განაცხადა, იური ვაზაგაშვილი ტერაქტს შეეწირა, რაც ქვეყანაში სიტუაციის არევას ემსახურებოდა.
აქციის მონაწილეებმა რუსთაველის გამზირზე პლაკატები - „გასამართლდეს დამნაშავე ნაცრეჟიმი“ და „არა ნაცტერორიზმს“ გაშალეს. სოლიდარობის ნიშნად კი შავი ლენტები გაიკეთეს, რომლითაც იური ვაზაგაშვილის გარდაცვალების გამო მწუხარება გამოხატეს.