​თბილისი-სენაკი-ლესელიძის 207-ე კმ. ზე სატრანსპორტო მოძრაობა შეფერხებით ხორციელდება. აღნიშნულ მონაკვეთზე, სოფელ სიქთარვასთან, გზის სავალი ნაწილი ჩაიწია, რის გამოც ავტოტრანსპორტის გატარება ცალმხრივად, რიგრიგობით მიმდინარეობს.
არსებულ ვითარებას რეგიონული განვითარებისა და ინფრასტრუქტურის მინისტრის პირველი მოადგილე, გიორგი ამაშუკელი და საავტომობილო გზების დეპარტამენტის თავმჯდომარე, ვაჟა ფანჩულიძე გაეცნენ.
ადგილზე მობილიზებულია შესაბამისი ტექნიკა, გატარებულია პირველადი ღონისძიებები და მიმდინარეობს აღდგენითი სამუშაოები.