■ ვარკეთილში, „ოლიმპიურ ქალაქში“ ხანძარი ჩინელი მუშების საცხოვრებელ კოტეჯებს გაუჩნდა. ადგილზე მისულმა რამდენიმე სახანძრო ბრიგადამ ხანძრის ჩაქრობა 40 წუთში შეძლო. ხანძრის შედეგად ერთი ჩინელი მუშა მსუბუქად დაშავდა.
როგორც „ინფო9“-ს თბილისის საგანგებო სიტუაციების მართვის დეპარტამენტის სახანძრო-სამაშველო სამმართველო სამსახურის უფროსის მოადგილემ მამუკა ყირიმელმა განუცხადა, დაზიანებულია 800 კვ.მ-მდე ტერიტორია და მუშების საყოფაცხოვრებო ნივთები.
ხანძრის გამომწვევი მიზეზები უცნობია.