■ აფხაზურნომრიანი მანქანის შესახებ, რომელიც თბილისის ქუჩებში გადაადგილდება, შინაგან საქმეთა სამინისტროში ინფორმაციას კვლავ არ ფლობენ.
ამის შესახებ „ინფო 9“-ს შსს-ს პრესსამსახურში განუცხადეს.
„ინფო 9“-ს მიაწოდეს ფოტო და ვიდეომასალა, რომელშიც აფხაზურნომრიანი მანქანის გადაადგილებაა დაფიქსირებული.
რამდენიმე დღის წინ, სოციალურ ქსელში გავრცელდა ფოტო, რომელზეც აფხაზურნომრიანი მანქანა, ფონზე კი, საქართველოს ოფიციალური სანომრე ნიშნით ყვითელი მიკროავტობუსია აღბეჭდილი.
როგორც „ინფო 9“-ს შინაგან საქმეთა სამინისტროში იმ დროისათვის განუცხადეს, ასეთი სანომრე ნიშნით საქართველოს საზღვარი ავტომანქანას არ გადმოუკვეთავს.
მათი თქმით, თუ საპატრულო პოლიციის თვალთახედვის არეში მოხვდება მსგავსი ავტომანქანა, კანონის შესაბამისი ყველა პროცედურა გატარდება და რეაგირება მოხდება. ავტომანქანის მფლობელს კი სანომრე ნიშნები
ჩამოერთმევა.