სასტუმრო ,,რადისონში" მასშტაბური საინვესტიციო ფორუმი ,,საქართველო - რეგიონული ცენტრი და აზიის დამაკავშირებელი ევროპასთან" იმართება, სადაც მონაწილეობას საქართველოს რეგიონული განვითარებისა და ინფრასტრუქტურის მინისტრი, დავით შავლიაშვილიც იღებს. ღონისძიება საქართველოს პრემიერ-მინისტრმა, ირაკლი ღარიბაშვილმა გახსნა. ფორუმის მიზანია, მოხდეს საქართველოს საინვესტიციო პოტენციალის გაცნობა აზიის ბიზნესწრეების წარმომადგენლებისთვის, ცოდნისა და გამოცდილების გაზიარება, ამასთანავე რეგიონში ვაჭრობისა და ინვესტიციების წახალისების მაქსიმალური ხელშეწყობა.