კულტურული მემკვიდრეობის ძეგლის სტატუსის მქონე სოფელ დართლოში კვლევის შედეგად, საუკუნოვანი სახლების სარეაბილიტაციო პროექტის ფარგლებში სამუშაოები დაიწყო. პროექტს რეგიონული განვითარებისა და ინფრასტრუქტურის სამინისტრო, საქართველოს მუნიციპალური განვითარების ფონდი, კულუტურული მემკვიდრეობის დაცვის ეროვნულ სააგენტოსთან თანამშრომლობითა და მსოფლიო ბანკის ხელშეწყობით ახორციელებს.
პროექტი, რომლის საერთო ღირებულება 1,372,023 ლარია, მსოფლიო ბანკთან ერთად სახელმწიფო ბიუჯეტიდან ფინანსდება. სამუშაოების ხანგრძლივობა 15 თვეა და განსაკუთრებით მძიმე მდგომარეობაში მყოფი 34 სახლის რეაბილიტაციას მოიცავს. ამ ეტაპზე დართლოში უკვე დაიწყო 7 სახლის რეაბილიტაცია, ხოლო კიდევ 27 სახლის სარემონტო სამუშაოები 2015 წლის ბოლომდე დასრულდება.