მოგეხსენებათ, იტალიური “მილანი” მარიო ბალოტელის შემცვლელად ფერნანდო ტორესის ტრანსფერზე მუშაობს. თუ ბრიტანულ და იტალიურ გამოცემებს დავუჯერებთ, “ჩელსისა” და “როსონერის” შორის შეთანხმება უკვე შედგა და სულ მალე ესპანელი შემტევი მილანურ გრანდს მიაშურებს.
აღნიშნული ტრანსფერის მოლოდინში, სპორტულ გვერდებზე საინტერესო კადრები გამოჩნდა. 18 წლის წინ გადაღებულ ვიდეოში, რომელიც “მილანისა” და მადრიდის “ატლეტიკოს” ასაკობრივი გუნდების დაპირისპირებას ასახავს, აქცენტი ფერნანდო ტორესსზეა გადატანილი, რომელიც მართლაც რომ ყველასგან გამოირჩეოდა.
სპორტული გამოცემები იტყობინებიან, რომ სწორედ 1996 წელს, როდესაც 12 წლის ფერნანდო ტორესი “ატლეტიკოს” რიგებში ირიცხებოდა, “შავ-წითელთა” ვიცე-პრეზიდენტმა, ადრიანო გალიანიმ მისი გადაბირება სცადა, თუმცა უშედეგოდ. მიუხედავად ამისა, შესაძლოა 18 წლის შემდეგ მას ამ ტრანსფერის “გაჩარხვა” გამოუვიდეს…