„დინამო თბილისი“ უეფას ჩემპიონთა ლიგის საკვალიფიკაციო ეტაპის პირველ რაუნდში ყაზახურ „ასტანას“ დაუპირისპირდება. საქართველოს ჩემპიონი მეტოქეს 11/12 ივლისს ესტუმრება, 18/19 ივლისს კი „დინამო არენაზე“ უმასპინძლებს. „დინამო თბილისის“ მთავარი მწვრთნელი, გიორგი ჭიაბრიშვილი ევროტურნირის, საქართველოს ფეხბურთელთა ნაკრებისა და 21-წლამდელთა ევროპის ჩემპიონატის შესახებ „ევრონიუს ჯორჯიას“ ესაუბრა. #ახალიამბები #euronewsgeorgia
რუსეთის შეიარაღებულმა ძალებმა სარაკეტო იერიში მიიტანეს ქალაქ პოკროვსკზე დონეცკის ოლქში. სრულმასშტაბიანი ომის დაწყების შემდეგ რუსეთის არმიის რეგულარული სამიზნე სწორედ ეს ქალაქია. არსებული ინფორმაციით, დაშავდა 4 ადამიანი და განადგურდა საცხოვრებელი სახლი. "სავარძელში ვიჯექი ფანჯარასთან, უცბად ცაზე დავინახე ციმციმი. გავედი გარეთ და რაკეტა აფეთქდა, ყველგან კვამლი იყო", - ჰყვება თვითმხილველი ნატალია. #ახალიამბები #euronewsgeorgia
ტეხასის ელექტროქსელების ოპერატორმა მოსახლეობას სთხოვა, ნებაყოფლობით შეემცირებინათ ელექტროენერგია სისტემაზე მოსალოდნელი რეკორდული მოთხოვნის გამო, რადგან შტატში ტემპერატურამ ძალიან მაღალ ნიშნულს მიაღწია. ტეხასის ,,ელექტრული საიმედოობის საბჭო“, რომელიც 30 მილიონზე მეტ მოსახლეს ამარაგებს ელექტროენერგიით, პირველი იყო, რომელმაც მოსახლეობას ელექტროენერგიის გამოყენების შემცირებისკენ მოუწოდა. საბჭოს განცხადებით, ჯერჯერობით ელექტროენერგიის ნაკლებობას არ განიცდიდნენ, მაგრამ აღნიშნეს, რომ ივნისში რეკორდულად გაიზარდა მოთხოვნა, რაც უახლოეს მომავალში სავალალო შედეგებს მოიტანს. #ახალიამბები #euronewsgeorgia
პროტესტის მე-16 დღე - ჭიათურასა და თბილისში მაღაროელთა საპროტესტო აქციები გრძელდება #ახალიამბები #euronewsgeorgia
უკრაინის საზღვაო ქვეითთა 35-ე ბრიგადა ბახმუტის მიმართულებით იბრძვის და არმიას ზურგს უმაგრებს. ასეთივე მისიით ბატალიონები დგანან ზაპოროჟიის მხარესაც. #ახალიამბები #euronewsgeorgia
როგორც ვარაუდობენ, კახოვკის ჰიდროელექტროსადგურის კაშხლის განადგურებამ 1.2 მილიარდი ევროს ზარალი გამოიწვია. თანხა დიდია, თუმცა ადგილობრივებისთვის, რომლებიც ხერსონის რეგიონის დატბორილ ადგილებში ცხოვრობენ, ყოველდღიური ყოფა კიდევ უფრო გართულდა. წყლის დონე შემცირდა, თუმცა ახლა დახმარება და დასუფთავებაა საჭირო, რაც არც ისე ახლო მომავლის პერსპექტივაა. ხერსონის მკვიდრი ოლექსანდრ მაშუკოვი ამბობს, რომ ახლა სახლში გავლა შესაძლებელია, რადგან მანამდე აქ ტალახის სქელი ფენა იყო. იგი იძულებული გახდა, თავისი პენსიით ერთი სართულით მაღლა ბინა ექირავებინა. #ახალიამბები #euronewsgeorgia
კომპანია „ინტელი“ ევროპაში, კერძოდ, გერმანიაში, ახალ ქარხანას ააშენებს, რათა კონკურენცია გაუწიოს ჩინეთს მიკროჩიპების წარმოებაში. გერმანიის მთავრობა 10 მილიარდ ევროს დებს ამერიკული კომპანიის პროექტში, რომელიც ქალაქ მაგდებურგში განხორციელდება. ეს იქნება ქვეყნის თანამედროვე ისტორიაში ყველაზე დიდი და პირდაპირი უცხოური ინვესტიცია. ზოგიერთი ფიქრობს, რომ ბერლინი მსოფლიოს ერთ-ერთ უმსხვილეს კორპორაციას დიდ თანხას უხდის, თუმცა საქსონია-ანჰალტის რეგიონის გუბერნატორი რაინერ ჰაზელოფი ამბობს, რომ ეს ქვეყნისთვის სტრატეგიული ნაბიჯია. #ახალიამბები #euronewsgeorgia
"როგორ მოიპარა მზე დედაბერმა"- ეს არის მწერალ თეა თოფურიას თანამედროვე ქართულიზღაპარი, რომელიც გამომცემლომა „არტანუჯის“ სერიის- ქართული ზღაპრული ზღაპრების ფარგლებში გამოიცა. ზღაპარი გამქრალ მზეზეა, რომელიც მოხუცმა და გულმავიწყმა დედაბერმა შემთხვევით მოიპარა. ევრონიუს ჯორჯიას ეთერში მწერალმა თეა თოფურიამ და გამომცემლობა „არტანუჯის“ რედაქტორმა თამარ ლონდარიძემ ისაუბრეს.
დასავლეთ სანაპიროზე, ჰუვარის დასახლებაში, სასოფლო-სამეურნეო მიწებს ცეცხლი გაუჩნდა. პალესტინელი მცხოვრებლები ამბობენ, რომ ხანძარი 100-ამდე ახალმოსახლე ისრაელელმა გააჩინა. როგორც ჩანს, ეს იმ მოვლენების განმეორებაა, რომლებიც თებერვალში პალესტინელების თავდასხმას მოჰყვა. მაშინ თავდასხმას ამ მხარეში ორი ისრაელელის სიცოცხლე შეეწირა. ამ შემთხვევამდე ცოტა ხნით ადრე მოქალაქეები ისრაელის ცენტრალურ ნაწილში შეიკრიბნენ და 21 წლის ახალგაზრდის დაკრძალვას დაესწრნენ. ახალგაზრდა მამაკაცი ერთ-ერთი პალესტინელის თავდასხმის შედეგად დაიღუპა. #ახალიამბები #euronewsgeorgia
პოლონეთში უკრაინიდან ლტოლვილ ბავშვებს პოლონური ენის შესწავლის შესაძლებლობა აქვთ. არსებული მონაცემებით, ამ დროისთვის პოლონეთს 130 000 უკრაინელი ბავშვი აფარებს თავს. #ახალიამბები #euronewsgeorgia
„რუსულ ყაიდაზე თეთრად გადაღებილი ტაძრები, ჩამოფხეკილი ფრესკები, გაურკვეველი „სარესტავრაციო სამუშაოები“, შელესილი ქართული წარწერები,“ ოკუპირებულ აფხაზეთში მდებარე კულტურული მემკვიდრეობის ძეგლები საფრთხის ქვეშაა - „ევრონიუს ჯორჯიას“ ეთერში საუბრობს „მოძრაობა კულტურული მემკვიდრეობისთვის“ წარმომადგენელი ანა დუმბაძე. #ახალიამბები #euronewsgeorgia
2019 წლის 20-21 ივნისის, ე.წ. „გავრილოვის ღამეს“ ოფიციალური მონაცემებით 240 მოქალაქე დაშავდა. მათ შორის მედიის 30-ზე მეტი წარმომადგენელი #ახალიამბები #euronewsgeorgia
მსოფლიო მეტეოროლოგიური ორგანიზაციისა და „კოპერნიკუსის“ ევროპული ქსელის ანგარიშის მიხედვით, ევროპაში გლობალური დათბობა მოსალოდნელზე სწრაფად მიმდინარეობს. კონტინენტზე საშუალო ტემპერატურა 2.3 გრადუსით უფრო მეტია, ვიდრე მეცხრამატე საუკუნის ბოლოს იყო. ტემპერატურის ასეთი მატება კი სითბურ ტალღებსა და გვალვას იწვევს. #ახალიამბები #euronewsgeorgia
დემონსტრანტები ბანერებითა და შეძახილით იტალიის პარლამენტის წინ შეიკრიბნენ, რადგან იტალიის მთავრობა გეგმავს, რომ სუროგაცია კრიმინალურ ქმედებად გამოაცხადოს. კანონმდებლობის მიხედვით, ნებისმიერ იტალიელს, საზღვარგარეთ მყოფსაც კი, ეკრძალება, სუროგაციის გზას მიმართოს. მას, ვინც საზღვარგარეთ ცხოვრობს და სუროგაციის მეშვეობით ცდილობს ბავშვის გაჩენას, კანონპროექტის მიხედვით, პატიმრობა და ჯარიმა ემუქრება. #ახალიამბები #euronewsgeorgia
საერთაშორისო სამძებრო და სამაშველო ოპერაცია მიმდინარეობს ატლანტის ოკეანის ღმრა წყლებში. მაშველები ეძებენ მცირე ზომის წყალქვეშა ნავს, რომლის ბორტზე ხუთი ადამიანი იმყოფება. წყალქვეშა ხომალდს, რომელსაც სპეციალისტები და ტურისტები რამდენიმე ათეული წლის წინ ჩაძირულ „ტიტანიკზე“ კვლევის ჩასატარებლად და დასათვალიერებლად იყენებენ, კვირას საღამოს წყლის ზედაპირზე ამოსვლა დააგვიანდა. კავშირი ჩაყვინთვიდან საათსა და 45 წუთში გაწყდა. ახლა მთავარი პრობლემა ისაა, რამდენად ეყოფათ მათ სარეზერვო ჟანგბადი. #ახალიამბები #euronewsgeorgia
Tbilisi Open Air 23-24-25 ივნისს უმასპინძლებს სტუმრებს. 3 დღის განმავლობაში 4 სცენა 60-ზე მეტი არტისტს დაეთმობა. ევრონიუს ჯორჯიას ეთერში TBILISI OPEN AIR- ის კოორდინატორმა სოფო ებრალიძემ და საქართველოში ევროკავშირის წარმომადგენლობის თანამშრომლობის უფროსის მოადგილემ კატალინ გერმანმა ისაუბრეს. #ახალიამბები #euronewsgeorgia
რუსეთის მიერ ოკუპირებულ აფხაზეთში მდებარე უნიკალური კულტურული მემკვიდრეობის ძეგლებისა და ტაძრების მდგომარეობის შესახებ, „მოძრაობა კულტურული მემკვიდრეობისთვის“ წარმომადგენელმა, ანა დუმბაძემ განცხადება გააკეთა. მისი თქმით, ქართული ძეგლები სავალალო მდგომარეობაშია და დაუყოვნებლივ სპეციალისტების ჩარევას საჭიროებს. როგორც დუმბაძემ აღნიშნა, რამდენიმე ძეგლზე სრულიად გაურკვეველი მიზნით ამჟამადაც ე.წ. სარესტავრაციო სამუშაოები მიმდინარეობს, რაც ძეგლის ავთენტური იერსახის დამახინჯებას იწვევს. მისივე თქმით, რამდენიმე ძეგლთან დაკავშირებით საფუძვლიანი ეჭვი ჩნდება, რომ ქართული კვალის წაშლა მიზანმიმართულად მიმდინარეობს. #ახალიამბები #euronewsgeorgia
კახოვკის კაშხლის განადგურებამ პრობლემები უკრაინის მრავალ რაიონს შეუქმნა. ზაპოროჟიის რამდენიმე ქალაქში კი სასმელი წყლის დეფიციტია. #ახალიამბები #euronewsgeorgia
აშშ-ში კანავერალის კონცხზე მოწყობილი ცნობილი კოსმოდრომიდან, ცნობილი მილიარდერის ილონ მასკის კოსმოსურმა კომპანია SPACEX-მა, მორიგი თანამგზავრი, პლანეტის ორბიტაზე წარმატებით გაიტანა. #ახალიამბები #euronewsgeorgia
ჭიათურაში ერთ-ერთმა მაღაროელმა, პროტესტის ნიშნად პირი ამოიკერა. ის იმ ათ მაღაროელს შეუერთდა, რომლებიც მეხუთე დღეა შიმშილობენ. მაღაროელები უკმაყოფილო არიან კომპანია „ჯორჯიან მანგანეზთან“ მოლაპარკების პროცესით, რომელსაც სახელმწიფოს მიერ დანიშნული მედიატორი უძღვება. ამიტომ პროტესტსა და გაფიცვას განაგრძობენ. #ახალიამბები #euronewsgeorgia
რა ეტაპზეა საქართველო დღეს ევროინტეგრაციის გზაზე, საკმარისია თუ არა გატარებული რეფორმები კანდიდატის სტატუსის მისაღებად? - ამ კითხვებზე პასუხების გაცემას შეეცადნენ დღეს კონფერენციაზე „უსაფრთხოების ახალი არქიტექტურა ევროპაში და მისი გავლენა საქართველოზე - ერთი წელი ევროპული პერსპექტივიდან” #ახალიამბები #euronewsgeorgia
არქეოლოგებმა პერუს დედაქალაქ ლიმას გარეუბანში უძველესი მუმია აღმოაჩინეს. არქეოლოგი მიგელ აგილარი ამბობს, რომ მუმია დაახლოებით 3000 წლისაა. #ახალიამბები #euronewsgeorgia
საქართველოს, მოლდოვის, აზერბაიჯანისა და სომხეთის გადაუდებელი დახმარების გუნდები დღეს ერთად ცდილობდნენ გამკლავებოდნენ სხვადასხვა სახის იმიტირებულ სირთულეს - საგანგებო სიტუაციების მართვის სამსახურმა მრავალეროვნულ საველე სწავლებას უმასპინძლა #ახალიამბები #euronewsgeorgia
„საბჭოთა ქალაქი: თბილისის ურბანული ტრანსფორმაცია“- ილიას სახელმწიფო უნივერსიტეტში ამ სახელწოდების გამოფენა მიმდინარეობს. გამოფენაზე წარმოდგენილია თბილისის ურბანული განვითარების ეტაპებისა და ცვლილებების ანალიზი 1930-იანი წლებიდან დღემდე. მომზადდა ფიზიკური და ციფრული სამგანზომილებიანი ქალაქის რუკები, რომლებიც 1980-იანი წლებისა და 2022 წლის მდგომარეობას ასახავს და ნათლად აჩვენებს თბილისის განვითარების ცვლილების დინამიკას. "ევრონიუს ჯორჯიას" ეთერში ილიას სახელმწიფო უნივერსიტეტის პროფესორმა, ანთროპოლოგმა ქეთევან გურჩიანმა და ილიას სახელმწიფო უნივერსიტეტის ასოცირებულმა პროფესორმა, არქიტექტორმა ია კუპატაძემ ისაუბრეს. #ახალიამბები #euronewsgeorgia
უკრაინაში ფრონტის ხაზზე გრძელდება მძიმე შეტაკებები რუს და უკრაინელ სამხედროებს შორის. უკრაინული მხარე აცხადებს, რომ ისინი კონტრშეტევის ფარგლებში წინ მიიწევენ. #ახალიამბები #euronewsgeorgia
საბერძნეთში, ქალაქ კალამატას სანაპიროს მახლობლად მიგრანტების გემი ჩაიძირა. დაღუპულია სულ მცირე 80 ადამიანი, ასობით კი დაკარგულია. #ახალიამბები #euronewsgeorgia
საქართველოს პრეზიდენტმა შეზღუდული შესაძლებლობის მქონე პირთა უფლებების დაცვის საქმეში შეტანილი განსაკუთრებული წვლილისთვის ანა გოგუაძე ღირსების მედლით დაჯილდოვა #ახალიამბები #euronewsgeorgia
უკვე მეცხრე დღეა 3000-ზე მეტი მაღაროელი სამსახურში აღარ დადის, ისინი ამბობენ რომ მანამ სანამ კომპანია „ჯორჯიან მანგანეზი“ მათ მოთხოვნებს არ შეასრულებს, გაფიცვა არ შეწყდება #ახალიამბები #euronewsgeorgia
თბილისის მერიის ინფორმაციით 2023-2024 წლებში, იცვლება ბაღში რეგისტრაციის პროცესი და ის ორის ნაცვლად სამეტაპიანი ხდება #ახალიამბები #euronewsgeorgia
საქართველოს პარლამენტმა ''დეოლიგარქიზაციის შესახებ'' კანონპროექტი მეორე მოსმენით უკვე მიიღო. საკითხის განხილვას წინ უძღოდა ამ კანონპროექტზე ევროსაბჭოს ვენეციის კომისიის დასკვნა, რომლის მიხედვითაც, საქართველოს ხელისუფლებას ურჩევენ, უარი თქვას კანონპროექტის მიღებაზე. დოკუმენტის მიხედვით, ოლიგარქიულ გავლენასთან საბრძოლველად საჭიროა არა პერსონალური, არამედ სისტემური მიდგომა. #ახალიამბები #euronewsgeorgia
28-30 ივლისს ბათუმი მე-16 ჯაზფესტივალს უმასპინძლებს. ორგანიზატორები აჭარის რეგიონის სტუმრებს, როგორც ყოველთვის, განსაკუთრებულ საღამოებს ჰპირდებიან. ფესტივალის სამი დღის სტუმრები მსოფლიოში აღიარებული ვარსკვლავები იქნებიან. ევრონიუს ჯორჯიას ეთერში ჯაზფესტივალის შესახებ „ისთერნ პრომოუშენის“ დამფუძნებელმა მიხეილ გიორგაძემ ისაუბრა. #ახალიამბები #euronewsgeorgia
მათი მთავარი მოთხოვნა ხელფასის 40%-ით გაზრდა და სამუშაო პირობების გაუმჯობესებაა #ახალიამბები #euronewsgeorgia
#ახალიამბები #euronewsgeorgia
შავ ზღვაში დიდი ოდენობით ტოქსიკური ნივთიერებები ჩაიღვარა. სპეციალისტები თანხმდებიან, რომ უნდა გაძლიერდეს წყლის და ზღვის ბინადრების ბიოლოგიური მონიტორინგი კაშხლის აფეთქებამ გააჩინა კითხვა, რამდენად უსაფრთხო იქნება წელს ტურისტული სეზონი – „ევრონიუს ჯორჯიას“ ეთერში შავი ზღვის მკვლევარმა, არჩილ გუჩმანიძემ ისაუბრა. #ახალიამბები #euronewsgeorgia
მაიამიში დაიწყო და ნიუ-იორკში გაგრძელდა, მნიშვნელოვანი მოვლენებითა და გამარჯვებებით აღსავსე ქართული დელეგაციის ამბავი. გამორჩეული შეხვედრებისა და სამომავლო გეგმების თაობაზე თავად ამ დღეების მონაწილეები გვიამბობენ - ქართველები თუ, ამერიკელები. #ახალიამბები #euronewsgeorgia
ჟირაფი ბენიტო მექსიკის ჩრდილოეთ სასაზღვრო ქალაქ სიუდად-ხუარესში გასულ თვეს ჩაიყვანეს. ამ გადაწყვეტილების გამო ზოოპარკის ადმინისტრაციას აკრიტიკებენ, რადგან ბენიტოს მექსიკის უდაბნოს კლიმატთან შესაფერისი პირობები არ აქვს. #ახალიამბები #euronewsgeorgia
უკრაინაში აცხადებენ, რომ მათ კონტრშეტევის ფარგლებში რუსი სამხედროებისგან შვიდი სოფელი გაათავისუფლეს. ორივე მხარეს დიდი დანაკარგი აქვს. უკრაინელი მეთაურების თქმით, ფრონტის ხაზზე მძიმე ბრძოლები მიმდინარეობს. #ახალიამბები #euronewsgeorgia
95 უკრაინელი ჯარისკაცი ტყვეთა გაცვლის შედეგად სამშობლოში დაბრუნდა. ვიდეომასალას უკრაინის პრეზიდენტი ავრცელებს. #ახალიამბები #euronewsgeorgia
უკრაინის მოკავშირეების თქმით, ჯერ ნაადრევია იმის თქმა, თუ რა შედეგს მოიტანს რუსი სამხედროების წინააღმდეგ მიმართული კონტრშეტევა, რომელიც სულ რამდენიმე დღის წინ დაიწყო. ისინი უკრაინას სრულ მხარდაჭერას უცხადებენ, თუმცა, ამავდროულად, აცნობიერებენ, რომ ორივე მხარეს შესაძლოა დიდი დანაკარგი ჰქონდეს. #ახალიამბები #euronewsgeorgia
ხერსონის რეგიონში კვლავ ებრძვიან გასულ კვირას კახოვკის ჰესის აფეთქების შედეგად გამოწვეული წყალდიდობის შედეგებს. მიუხედავად იმისა, რომ რუსი სამხედროები კვლავ ბომბავენ რეგიონს, მაშველები და მოხალისეები მაინც ცდილობენ იქ მყოფი ადამიანების გამოყვანას. უკრაინული მხარე აცხადებს, რომ რუსების თავდასხმის შედეგად 3 ადამიანი დაიღუპა, ათი კი დაშავდა სწორედ იმ დროს, როდესაც ევაკუირებული მოქალაქეები ნავებით გამოჰყავდათ. #ახალიამბები #euronewsgeorgia
კანადაში ტყის ხანძრების ახალი კერებია. ათასობით მოქალაქე იძულებული გახდა, კარ-მიდამო დაეტოვებინა. ადგილობრივი ხელისუფლების წარმომადგენლები აცხადებენ, რომ ქვეყანაში ტყის ხანძრები შესაძლოა მთელი ზაფხულის განმავლობაში გაგრძელდეს. ბოლო ინფორმაციით, წლის დასაწყისიდან ხანძარმა 46 000 კვადრატული კილომეტრის მიწის ფართობი გაანადგურა. #ახალიამბები #euronewsgeorgia
უკრაინის თავდაცვის მინისტრის, ჰანა მალიარის ცნობით, სამხრეთის ფრონტზე უკრაინულმა არმიამ გაათავისუფლა ორი სოფელი - ბლაგადატნოე და მაკაროვკა.ეს არის პირველი დადასტურებული ინფორმაცია უკრაინის ხელისუფლების მაღალჩინოსნის მხრიდან გათავისუფლებული დასახლებული პუნქტის შესახებ კონტრშეტევის პერიოდში. #ახალიამბები #euronewsgeorgia
უკრაინელი სამხედროები კონტრშეტევაზე გადავიდნენ და წინ მიიწევენ ზაპორიჟიის რეგიონში. რუსეთის თავდაცვის სამინისტრო აცხადებს, რომ მათ სამხრეთის რეგიონში უკრაინელთა რამდენიმე შეტევა მოიგერიეს. ზაპორიჟია, რომლის 80 პროცენტსაც მოსკოვი აკონტროლებს, სტრატეგიული წერტილია, სადაც კიევი ცდილობს, გადაკეტოს ის დერეფანი, რომლითაც ოკუპანტები დონბასიდან ყირიმს სახმელეთო გზით უკავშირდებიან. #ახალიამბები #euronewsgeorgia
უკრაინაში, "ნოვო კახოვკის" კაშხლის დანგრევას კიევი და მოსკოვი კვლავ ერთმანეთს აბრალებენ. ამ ფონზე კი, რეგიონში ჰუმანიტარული კრიზისი მწვავდება. კიევის ცნობით, წყალმა დაფარა 600 კმ² ტერიტორია. ეკონომიკურის გარდა, უკრაინის ამ მხარეს ეკოლოგიური ზიანიც მიადგა, რისი გამოსწორებაც შეუძლებელია. #ახალიამბები #euronewsgeorgia
კანადაში კვლავ საშინელი ტყის ხანძრებია. 20 000 პირი იძულებული გახდა, თავისი კარ-მიდამო დაეტოვებინა. მთელი ქვეყნის მასშტაბით ტყის ხანძრები მშრალი ამინდების გამო დაიწყო და სწრაფად გავრცელდა. ბოლო ინფორმაციით, ამჟამად 400-ზე მეტი აქტიური კერაა. ევროკომისიის წარმომადგენლის განცხადებით, პორტუგალიის, ესპანეთისა და საფრანგეთის მთავრობები ერთობლივად 280 მეხანძრეს გაგზავნიან. შეერთებულმა შტატებმა კი უკვე გაგზავნა 600 მეხანძრე და შესაბამისი აღჭურვილობა. #ახალიამბები #euronewsgeorgia
აბიტურიენტები, რაუფი და თაკო უნივერსიტეტში სხვადასხვა მიმართულებაზე აბარებენ. რაუფს სურს, პოლიტიკოსი გამოვიდეს, თაკოს კი ვებ-დეველოპერობა უნდა. ორივეს სურვილია, არჩეული პროფესიით წარმატებას მიაღწიონ და ამისთვის ყოველდღიურად ემზადებიან. შეფასებისა და გამოცდების ეროვნულ ცენტრში ამბობენ, რომ არის გარკვეული პროგრამები, რომლებზეც გასულ წლებში მოთხოვნა არ იყო, თუმცა წელს პირიქით, ეს სპეციალობები ბევრ აბიტურიენტს აქვს მონიშნული პრიორიტეტად. #ახალიამბები #euronewsgeorgia
გერმანიაში მალე ნატოს ყველაზე მასშტაბური საჰაერო წვრთნები დაიწყება. უპრეცედენტო ოპერაციაში ჩართული იქნება 25 ქვეყანა, 250 საჰაერო ხომალდი და 10 000 სამხედრო მოსამსახურე. „ცის დამცველი 23“ უკვე მრავალი წელია მზადდება, თუმცა რუსეთის მიერ უკრაინაში შეჭრამ პროცესი უფრო მეტად დააჩქარა. მოკავშირეები აღიარებენ, რომ ამ სამხედრო წვრთნებით მოსკოვისთვის შეტყობინების გაგზავნა სურთ. #ახალიამბები #euronewsgeorgia