კომპიუტერული კომპანია "ALTA" დაფუძნდა 1997 წლის თებერვალში. კომპანიამ თავისი საქმიანობა განავითარა ოთხი ძირითადი მიმართულებით: საცალო და საბითუმო ვაჭრობა, კორპორატიული კლიენტების მომსახურება, პროგრამული უზრუნველყოფა და ქსელების პროექტირება და მონტაჟი. დღეს "ალტა" ლიდერია საქართველოს საინფორმაციო ტექნოლოგიების ბაზარზე. მის ძირითად საქმიანობას წარმოადგენს კომპიუტერებისა და საოფისე მოწყობილობების, აქსესუარებისა და ქსელური მოწყობილობების საცალო და საბითუმო ვაჭრობა.
"ALTA" აფართოებს გაყიდვებისა და სერვის ქსელს მთელი ქვეყნის მასშტაბით. კომპანიის მიზანია მაღალი ხარისხის პროდუქციითა და მომსახურებით უზრუნველყოს მომხმარებელი. "ალტა"-ს გააჩნია რამოდენიმე სავაჭრო და სერვის ცენტრი თბილისში. ადგილობრივი ბიზნეს-პარტნიორების დახმარებით კომპანია საქმიანობას წარმართავს საქართველოს ქალაქებში: ბათუმში, ფოთში, ქუთაისში, ბორჯომსა და თელავში.
"ALTA" ახორციელებს მნიშვნელოვან მზა გადაწყვეტილებებს საფინანსო ინსტიტუტებისათვის, რაც შეეხება: ინფორმაციის შენახვისა და დამუშავების ცენტრალიზაციას; სისტემის ინფორმაციით მოქნილად შევსების უზრუნველყოფას; პროგრამული უზრუნველყოფის კომპონენტური სტრუქტურის შექმნას; სისტემის რესურსებთან უნიფიცირებული დაშვების უზრუნველყოფას ადგილობრივი და ფართომასშტაბიანი ქსელების საშუალებით; საინფორმაციო სისტემის მთლიან სისტემურ კომპონენტებსა და დანართებს (applications) შორის ინტეგრაციის სტანდარტული მექანიზმების გამოყენებას. "ALTA" აგრეთვე ქმნის კომპიუტერულ და სატელეკომუნიკაციო სისტემებს, სტრუქტურულ საკაბელო სისტემებსა და ინფორმაციის შენახვის სისტემებს.
