#გირჩი ამ ვიდეოდან გაიგებთ, რა ბედი ეწევა 2000 ლარიან ადმინისტრაციულ ჯარიმას, რომელიც გუშინ ზურა ჯაფარიძეს მოსამართლე ნინო ჭალიძემ მიუსაჯა და იმ მატყუარა პოლიციელებს, რომელთა ცრუ ჩვენების საფუძველზე დადგა ეს განაჩენი.
#გირჩი #მეტითავისუფლება #10დეკემბერი მიუხედავად იმისა, რომ გირჩი არ იზიარებს პარლამენტში ნარკოპოლიტის შესახებ განსახილველად წარდგენილი კანონპროექტის დებულებების ნაწილს, მივიჩნევთ, რომ ამ კანონპროექტის მიღების შემთხვევაში ნარკომომხმარებლებისა და პატიმრების ნაწილისთვის დამდგარი მყისიერი დადებითი შედეგი ძალიან მნიშვნელოვანია! ამიტომ, ჩვენს ყველა მხარდამჭერს მოვუწოდებთ, მოვიდნენ 10 დეკემბერს, 17:00-ზე, რესპუბლიკის მოედანზე გამართულ აქციაზე. ივენთის ლინკი - https://tinyurl.com/yb9tycer
გილოცავთ! მარიხუანას მოხმარებისთვის აღარავინ დაისჯებით! საქართველოს კონსტიტუციის მე-16 მუხლი: "ყველას აქვს საკუთარი პიროვნების თავისუფალი განვითარების უფლება". Iago Tertön Khvichiaს ბრიფინგი საქართველოს საკონსტიტუციო სასამართლოს მიერ #საქმე732-ზე მიღებული გადაწყვეტილების შესახებ. პ.ს. დეტალურ ახსნა-განმარტებას, რა მოყვება ამ გადაწყვეტილებას, მალე გაგაცნობთ.
„გირჩი“ იწყებს დაფინანსების ძებნას. იმისთვის, რომ ვიარსებოთ და ვაკეთოთ ის, რაც, ჩვენი აზრით, მნიშვნელოვანია ჩვენი შვილებისთვის, გვჭირდება ფული. ჩვენ არ გვაქვს საბიუჯეტო დაფინანსება და მეტიც, გირჩი არის ერთადერთი პარტია, რომელიც გამოდის საბიუჯეტო დაფინანსების წინააღმდეგ. არ გვყავს დამფინანსებელი მილიარდერი ან ყოფილი მინისტრი, რომელიც თანამდებობიდან წასვლის შემდეგ სასწაულებრივად გამდიდრდა. ჩვენ უკან არ დგას არც ბილდენბერგის ჯგუფი, მიუხედავად იმისა, რომ ამ ქვეყანაში ბევრს ასე სჯერა. მთელი ამ ხნის განმავლობაში რეალურად გყავდა ერთი დამფინანსებელი, გვაქვს დაფინანსების ერთი წყარო, რომელიც არის მწირი და არასტაბილური და გვესმის, რომ ეს რესურსი არაა საკმარისი იმ მიზნების მისაღწევად, რომლებიც ჩვენ გვაქვს. თუ ჩვენ არ შევქმნით პოლიტიკური საქმიანობის დაფინანსების განსხვავებულ, მდგრად მოდელს, გირჩი უბრალოდ ვერ იარსებებს. ჩვენ გულწრფელად გვინდა შევქმნათ პირველი პრეცედენტი საქართველოში, როდესაც პარტიის დაფინანსება იქნება გამჭვირვალე, მაგრამ ამავე დროს ჩვენთვის პრინციპულად მნიშვნელოვანია შევინარჩუნოთ თავისუფლების ის ხარისხი, რომელიც გვაქვს დღეს. ანუ მარტივად რომ ვთქვათ, ჩვენთვის პრინციპულად მნიშვნელოვანია: ვიღაცამ, ვინც შეიძლება მოგვცეს ფული, შემდეგ ჩვენგან არ მოითხოვოს, რომ არ ვაკრიტიკოთ ხელისუფლება ან ოპოზიცია, ან გავჩუმდეთ ნარკოპოლიტიკაზე, პროსტიტუციაზე, სავალდებულო ჯარზე, ეკლესიის საბიუჯეტო დაფინანსებაზე, თუ ლგბტ თემის საკითხებზე. არსებულ რეალობაში ჩვენთვის ერთადერთი გზა არის სრული გახსნილობა და საჯაროობა. შესაბამისად, ფულის მოძიების პროცესი, იქნება ეს ინდივიდუალურ ადამიანებთან თუ ბიზნესთან კომუნიკაცია, იქნება სრულიად ღია და საჯარო. ჩვენ არ ვსაუბრობთ მარტივ თემებზე და ნებისმიერი თემა ამ ქვეყანაში, რბილად რომ ვთქვათ, არაპოპულარულია და ამიტომ ჩვენთან ღიად აფილირება არ არის მარტივი საქმე. ყოველ შემთხვევაში, ამას ჭირდება, ერთი ადგილის ქონა, ეს ერთი ადგილი კი, იმის მიუხედავად, რომ მის დაცვაზეა გადასული ყველა, საქმე საქმეზე რომ მიდგება, საკმაოდ ჭირს ხოლმე. მოკლედ ტრაკი არ არის, არ ჩამოიტანეს. ჩვენ, გირჩი, ვიწყებთ ტრაკიანი ადამიანების ძებნას და ამის გაკეთებას ვაპირებთ საჯაროდ.
#გირჩი #მეტითავისუფლება #საპენსიორეფორმა 2018 წლიდან დაანონსებული საპენსიო რეფორმა, რომელმაც, თითქოს, 30-40 წლის შემდეგ უნდა უზრუნველყოს საქართველოში დღეს დასაქმებულთა უზრუნველი სიბერე, სინამდვილეში, წარმოადგენს მთავრობისა და ბანკების შეთანხმებულ და წინასწარ გააზრებულ ფინანსურ სქემას, რომლის მიზანია ხელისუფლებისა და მსხვილი ფინანსური ინსტიტუტების უზრუნველყოფა რიგითი მოქალაქეების ჯიბეებიდან ამოღებული მილიარდობით ლარით, ნულოვანი პასუხისმგებლობის პირობებში. მთავრობა და ბანკები, მსხვილი ბიზნესისა და ჯიბის ექსპერტების მხარდაჭერით, უსინდისოდ სარგებლობენ მოქალაქეთა გაუთვითცნობიერებლობით და მათზე ზრუნვის საფარქვეშ ცდილობენ, საკუთარი ინტერესებისთვის მრავალწლიანი და მრავალმილიარდიანი რესურსის ხელში ჩაგდებას. ამ რეფორმის რეალური არსი არის - ფული! დიდი ფული, რომელიც პატარა, ერთი შეხედვით უმნიშვნელო მოცულობებით უნდა ამოიღონ დღეს დასაქმებული მოქალაქეების ჯიბეებიდან და თავი მოუყარონ ვიღაცეების ანგარიშებზე. არანაირი სიბერეზე ზრუნვა! არანაირი წარმატებული მსოფლიო გამოცდილება! არანაირი გრძელი ფული! არანაირი ფასიანი ქაღალდების ბაზრის განვითარება! არანაირი ეკონომიკის განვითარების ხელშეწყობა! ეს ყველაფერი არის უსინდისო ტყუილი! თქვენი ჯიბეებიდან უნდათ ცოტ-ცოტა ფულის ამოღება, ერთ ყულაბაში შეგროვება და შემდეგ დიდი ფულის კეთება წლების განმავლობაში. თქვენს შვილებს კი, მრავალი წელი მოუწევთ ვალების გასტუმრება გადახდილი გადასახადებით. ამავე დროს, არ არსებობს პენსიის მიღების ან ფულის დაბრუნების არანაირი გარანტია! არანაირი! ნუ მოატყუებინებთ თავს მთავრობასა და ბანკებს. დაიცავით თქვენი ფული! დაიცავით თქვენი საკუთრება! არა სავალდებულო საპენსიო სისტემას!