ემდემა` - მე-7 სერია 29.10.10 გადაჭარბებული სიჩქარით მიმავალი მანქანა საპატრულო სამსახურს არ ემორჩილება და სვლას განაგრძობს. ანერვიულებული მარიტა კი უშედეგოდ ცდილობს თავის შეყვარებულს დაუკავშირდეს, რომელსაც ცოტა ხნის წინ ეჩხუბა. ერთი შეხედვით, ამ ორ მოვლენას ერთმანეთთან არაფერი აკავშირებს. თუმცა, როცა მანქანა გაჩერდება, შიგნით მარიტას შეყვარებულის გვამს აღმოაჩენენ.
`ბოლო გასეირნება` - მე-9 სერია 05.11.10 ქალაქის პერიფერია, სკვერი. ღამის სიჩუმეს ქალის კივილი არღვევს. ვიღაცას ისევ არ გაუმართლა, ცუდ დროს მოხვდა ცუდ ადგილას. მეხუთე თავდასხმა სამი თვის განმავლობაში, მსხვერპლი ყველა შემთხვევაში ქალია, მანიაკი აქტიურ ქმედებას განაგრძობს. ხელწერა ერთი და იგივეა, მსხვერპლი ჯერ გააუპატიურეს და შემდეგ გაგუდეს. თუმცა არის ისეთი დეტალებიც, რომლებიც სხვა შემთხვევებში არ დადასტურებულა. იგივე მანიაკი მოქმედებს, თუ ვიღაც ახალი გამოჩნდა, ყველაფერთან ერთად, დეტექტივებმა ამ
ნარკოტრაფიკი - მე-11 სერია 12.11.10 საზაფხულო კინოთეატრი ღამით, ტბის პირას მშვიდი ატოსფეროა. ხალხი ფილმს უყურებს, ისვენებს. მათ შორის არიან დეტექტივი ეკა მაჩაბელი და მისი მეუღლე. მაგრამ ტბის პირას ყველა დასასვენებლად არ არის მისული. მოულოდნელად ისმის სროლის ხმა და ახალგაზრდა მამაკაცი ძირს ეცემა. მკვლელმა მიმალვა მოახერხა.
ნარკოტრაფიკი - მე-12 სერია 13.11.10 მანქანის საბარგულში ნაპოვნია ახალგაზრდა მამაკაცის გვამი. იქვეა პისტოლეტი, რომელიც, სავარაუდოდ, მკვლელობის იარაღი უნდა იყოს. დეტექტივებს მოუწევთ იმის გარკვევა, ეს დანაშაული ნარკოტრაფიკის ერთ-ერთი შემადგენილი ნაწილია, თუ მასთან საერთო არაფერი აქვს.
`მკვლელობა აგარაკზე` - მე-13 სერია 10.11.19 ერთ დღეს მტკვარმა სამი ადამიანის გვამი გამორიყა. ორი ორთაჭალის კაშხალთან და ერთი დიღომში. ნაპოვნია დამწვარი მანქანა, სისხლის კვალი და ვაზნები. გარდა ამისა, საკუთარ აგარაკზე მოკლულია ბიზნესმენი ნიკა ქორიძე. ერთი შეხედვით, ამ ორ დანაშაულს საერთო არაფერი აქვს, თუმცა თანდათან საპირისპირო მტკიცდება.
`მკვლელობა აგარაკზე` -- მე-14 სერია 20.11.10 მოკლული ბიზნესმენის -- ნიკა ქორიძის გარშემო უამრავი ადამიანი ტრიალებდა. ამიტომ ეჭვმიტანილთა წრე საკმაოდ დიდია. მათ შორის არიან მისი თანამშრომლები და ახლობლები. გამოძიება ჯერ სწორ კვალზე არ დამდგარა, თუმცა შესაძლოა ახალი გარემოება დაეხმაროთ. რკინიგზის თანამშრომელი შემთხვევით ახალგაზრდა ქალს აღმოაჩენს, რომელსაც სველი ტანსაცმელი აცვია და უგონოდაა. გონზე მოსვლის შემთხვევაში, შეიძლება მან თქვას, რა მოხდა.
ბინის ქურდები - მე-15 სერია 26.11.10 სამოცდახუთი ქურდობა ორი თვის განმავლობაში! ისიც ერთ ქალაქში და ერთი უბნის მიდამოებში!.. დამნაშავეებს ძალიან უმართლებთ!.. თუმცა, არ უმართლებს ბოლო დანაშაულის შემსწრე - დემნას, რომელიც ბოროტმოქმედების მსხვერპლი ხდება... სამხილები ისევ არ არის, თუმცა ძრიფასეულობასთან ერთად, შემთხვევის ადგილიდან კვლავ ქალის ტანსაცმელი და ბავშვის სათამაშოებია წაღებული... დეტექტივებს ლოგიკური კითხვა უჩნდებათ - იქნებ ბანდის ერთ-ერთი წევრი ქალია?
ბინის ქურდები - მე-16 სერია 27.11.10 საქმეში ეჭვმიტანილები გამოჩნდნენ... უძრავი ქონების აგენტი დამნაშავეთა ინფორმატორი აღმოჩნდება. ქურდობათა სერია თითქმის გახსნილია... მორიგი ბინა იქურდება. ეს მათი ბოლო საქმეა, მაგრამ შესაძლოა ასევე ბოლო საქმე აღმოჩნდეს რომელიმე პოლიციელისთვის. ბანდის ყველა წევრი შეიარაღებულია... დეტექტივები ცხელ კვალზე მიდიან, საქმეში სპეცრაზმი ერთვება. შეტაკება გარდაუვალია.