ქართველმა პოლიციელმა მოკრივემ ედუარდ იმერლიშვილმა ოქროს მედალი მოიპოვა. იგი ფინალურ შეხვედრაში ფრანგ სპორტსმენს შეხვდა. დაძაბული ორთაბრძოლა ქართველმა მოკრივემ გამარჯვებით დაასრულა და ოქროს მედალიც დაისაკუთრა.

მსოფლიო პოლიციის და სახანძრო სამსახურის სპორტულ ოლიმპიადა"-ზე ქართველმა პოლიციელმა მოკრივემ ედუარდ იმერლიშვილმა ოქროს მედალი მოიპოვა. იგი ფინალურ შეხვედრაში ფრანგ სპორტსმენს შეხვდა. დაძაბული ორთაბრძოლა ქართველმა მოკრივემ გამარჯვებით დაასრულა და ოქროს მედალიც დაისაკუთრა.
ქართველმა პოლიციელმა სპორტსმენებმა კიდევ 7 ოქროს მედალი მოიპოვეს !

იმავე დღეს ქართველმა მკლავჭიდელებმა 6 ოქროს და 1 ბრინჯაოს მედალი მოიპოვეს.

102 კგ წონით კატეგორიაში მოასპარეზე თენგიზ ედილაშვილი - მარჯვენა და მარცხენა ხელით გამართულ შეჯიბრში გამოვიდა და 2 ოქროს მედალი დაისაკუთრა.

ვლადიმერ კობახიძემ 80 კგ წონით კატეგორიაში ასევე ორივე ხელით იასპარეზა და 2 ოქროს მედალი მოიპოვა.

მძიმე წონით კატეგორიაში ლევან საგინაშვილმაც ასევე ორი ხელით იბრძოლა და მანაც 2 ოქროს მედალი აიღო. 100 კგ წონით კატეგორიაში კი გელა გელაშვილმა ბრინჯაოს მედალი მოიპოვა.

ირლანდიაში, ქალაქ ბელფასტში გამართულ „მსოფლიო პოლიციის და სახანძრო სამსახურის სპორტულ ოლიმპიადა"-ზე წელს, პირველად მიიღო საქართველოს შინაგან საქმეთა სამინისტროს ნაკრებმა მონაწილეობა. დღეისათვის შსს-ს ნაკრებს სპორტის 7 სახეობაში 12 ოქროს, 3 ვერცხლის და 2 ბრინჯაოს მედალი აქვს მოპოვებული.