NBA-ის რეგულარულ სეზონში, დღეს, მორიგი ტურის ათი შეხვედრა ჩატარდა. ერთ-ერთი ყველაზე საინტერესო და დაძაბული სტეიპლზ ცენტრში გამართული მატჩი გამოდგა, სადაც ლოს ანჯელეს კლიპერსმა მილუოკი ბაქსს უმასპინძლა.
თანაბარი დაპირისპირების ბედი უკანასკნელ წამებზე გადაწყდა. სტუმრები ერთ ქულას იგებდნენ და ბოლო შეტევა კლიპერსის იყო, თუმცა ბლეიკ გრიფინმა სამწამიანიდან ვერ ჩააგდო ბურთი და ბაქსმა თამაში, ანგარიშით 97-96 მოიგო. ამ გუნდში საუკეთესო ბერძენი ლეგიონერი, გიანის ანტეტუკონმპო გახლდათ 16 ქულით.
კალიფორნიელთა შემადგენლობაში კი მორიგი ორმაგი დუბლი შეასრულა დეანდრე ჯორდანმა, რომელმაც 22 ქულა და 17 მოხსნა გააკეთა.
მილუოკიმ ამ გამარჯვების შემდეგ, აღმოსავლეთ კონფერენციაში მეშვიდე ადგილზე გადაინაცვლა და პლეი-ოფის ზონაში რჩება. კლიპერსი დასავლეთში კვლავ მეხუთე პოზიციაზეა