ატვირთვა
ავტორიზაცია რეგისტრაცია
9 610 864
ნახვა
545
ხელმომწერი
2 135
ვიდეო

საყოველთაო დაუმორჩილებლობა აფხაზეთში - ოპოზიციის მომხრეებმა ბზიფთან და ტამიშთან გზები გადაკეტეს

გაზიარება შექმენი ლუპი
28 დღის წინ
5 832
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ოკუპირებულ აფხაზეთში, სოხუმში, მარიონეტული რეჟიმის დე ფაქტო პარლამენტის წინ საპროტესტო აქცია მეორე დღეა გრძელდება. აქციის მონაწილეები ე.წ საპრეზიდენტო არჩევნების თარიღის ცვლილებას და ივლისის თვიდან შემოდგომაზე გადატანას ითხოვენ. თარიღის ცვლილება ოპოზიციის ლიდერის ასლან ბჟანიას ჯანმრთელობის მდგომარეობას უკავშირდება. ბჟანია, რომელიც ე.წ საპრეზიდენტო არჩევნებში დე ფაქტო ხელისუფლების მთავარ კონკურენტად ითვლება, ერთი თვის იქნა ჰოსპიტალიზებული, მას ვერცხლისწყლით მოწამვლა დაუდგინდა. ოპოზიცია პოლიტიკურ ტერორზე საუბრობს და ბჟანიას ჯანმრთელობის მდგომაროების მიუხედავად არჩევნებში მის კანდიდატურის წამოყენებას მაინც აპირებს. გუშინ დე ფაქტო პარლამენტმა თარიღის ცვლილების კანონპროექტი ჩააგდო და არჩევნები თარიღად ისევ 21 ივლისი დატოვა.

მომიტინგეების ნაწილმა ღამე შენობის წინ გაათენა, მათ დღეს დილიდან ოჩამჩირიდან და გუდაუთიდანაც შემოუერთდნენ. შენობის წინ გაათენეს ღამე სამართალდამცავებმაც.

დილის 10 საათზე მომიტინგეებმა სოფელ ბზიფთან ცენტრალური ავტოტრასა გადაკეტეს, თუმცა მალევე გახსნეს, მათი თქმით, ეს ქმედება გამაფრთხილებელ ხასიათს ატარებდა და თუ ე.წ ხელისუფლება მათ მოთხოვნებს არ დააკმაყოფილებს გზა ისევ, ამჯერად უფრო დიდი ხნით დაიბლოკება. გზაა გადაკეტილი სოფელ ტამიშთანაც, აქ პროტესტის მონაწილეებს უფრო რადიკალური მოთხოვნა აქვთ, ისინი რაულ ხაჯიმბას გადადგომას ითხოვენ.

ე.წ პარლამენტის შენობასთან დე ფაქტო ხელისუფლების მომხრეებსა და მოწინააღმდეგეებს შორის დაპირისპირებაც მოხდა. აქციის მონაწილეების თქმით, მათ ნება არ მისცეს რომ დინამიკები ელექტროდენზე შეერთებინათ.

„ვინ ვგონივართ, ჩვენ მაინც ვიტყვით ჩვენ სათქმელს.“- აცხადებენ მომიტინგეები.

მაჩვენე მეტი
ტეგები : #ახალიამბები #პოლიტიკა #ვიდეო #newposts