ატვირთვა
ავტორიზაცია რეგისტრაცია

„სასამართლოს თავმჯდომარეების ინსტიტუტზე დგას გავლენიანი ჯგუფის ძალაუფლება"

გაზიარება შექმენი ლუპი
17 May 2019
12
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„სასამართლოს თავმჯდომარეების ინსტიტუტი არის ის საკვანძო ელემენტი, რაზეც დგას დღეს გავლენიანი ჯგუფის ძალაუფლება. ვერავინ ინიშნება სასამართლოს თავმჯდომარედ, თუ ის არ სარგებლობს იმ მხარდაჭერით გავლენიანი ჯგუფისგან, რაც მას სჭირდება“, - ამბობს „დილის საუბრებში“ მარიამ მხატვარი, „ადამიანის უფლებების სწავლების და მონიტორინგის ცენტრის“ (EMC) იურისტი.

ორგანიზაციამ იუსტიციის უმაღლესი საბჭოდან გამოითხოვა ინფორმაცია ვინ როდის იკავებდა ამა თუ იმ სასამართლოს თავმჯდომარის თანამდებობას და საზოგადოებას სთავაზობს ცხრილს, რომელშიც ჩანს მოსამართლეთა ერთი ჯგუფი როგორ იკავებს ბოლო ათწლეულზე მეტი ხნის განმავლობაში სხვადასხვა სასამართლოს ან სასამართლოს რომელიმე პალატის ხელმძღვანელის თანამდებობებს. მათ შორის არიან: მიხეილ ჩინჩალაძე, სერგო მეთოფიშვილი, ვასილ მშვენიერაძე. EMC-ს წარმომადგენელი აღნიშნავს იმასაც, რომ არ არის განსაზღვრული რა კრიტერიუმებით და რა პროცედურით ირჩევიან სასამართლოების თავმჯდომარეები:

„წლებია ჩვენი მოთხოვნაა დემოკრატიულად იყვნენ არჩეული სასამართლოების თავმჯდომარეები და მოსამართლეებმა თვითონ, თავიანთ სასამართლოში აირჩიონ ის, ვინც სურთ თავიანთ თავმჯდომარედ და არა ის, რომ იუსტიციის უმაღლესმა საბჭომ სრულიად გაუმჭვირვალედ და დაუსაბუთებლად აირჩიოს და დაუსვას მათ უფროსი.

მაჩვენე მეტი