ატვირთვა
ავტორიზაცია რეგისტრაცია

ვაზიანში სამხედრო კომიტეტი

გაზიარება შექმენი ლუპი
მარტი 28, 2019
15
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„ასეთი შთამბეჭდავი სწავლება დიდი ხნის განმავლობაში არ მინახავს“ - ნატოს სამხედრო კომიტეტის თავმჯდომარე

საქართველოში ვიზიტად მყოფი ნატოს სამხედრო კომიტეტის წევრები ნატო-საქართველოს წვრთნებისა და შეფასების ერთობლივ ცენტრს (JTEC) ესტუმრნენ და „ნატო-საქართველოს სწავლება 2019“-ის მიმდინარეობას გაეცნენ. დელეგაციას, რომელსაც ნატოს სამხედრო კომიტეტის თავმჯდომარე ავიაციის მთავარი მარშალი სერ სტიუარტ პიჩი ხელმძღვანელობდა, საქართველოს თავდაცვის ძალების მეთაურმა გენერალ-მაიორმა ვლადიმერ ჩაჩიბაიამ უმასპინძლა.
სამხედრო კომიტეტის წარმომადგენლებმა „ნატო-საქართველოს სწავლება 2019“-ის კონტროლის ცენტრი და მრავალეროვნული ბრიგადის შტაბი მოინახულეს. ვიზიტის ფარგლებში ისინი ნატო-საქართველოს წვრთნებისა და შეფასების ერთობლივი ცენტრის (JTEC) შესაძლებლობებსაც გაეცნენ. ნატოს სამხედრო კომიტეტის თავმჯდომარემ სწავლებას მაღალი შეფასება მისცა: „ჩემთვის დიდი პატივია, რომ ნატოს სამხედრო კომიტეტთან ერთად საქართველოში ვიზიტად ვიმყოფები და „ნატო-საქართველოს სწავლება 2019“ გავეცანი. ასეთი შთამბეჭდავი სწავლება დიდი ხნის განმავლობაში არ მინახავს. ქართველი სამხედროების მიერ სწავლება ძალიან კარგად იყო დაგეგმილი და აღსრულებული. ჩემი პატივისცემა ქართველ სამხედროებს, რომლებიც ამ სწავლებაში იღებენ მონაწილეობას. სწავლება მრავალეროვნულია, საკმაოდ რთულია, თუმცა ქართველმა სამხედროებმა დასახულ ამოცანებს შესანიშნავად გაართვეს თავი.“
მრავალეროვნული, ბრიგადის დონის საშტაბო სწავლება მიზნად ისახავს საქართველოს, ნატოს წევრი და პარტნიორი ქვეყნების შეიარაღებული ძალების ურთიერთთავსებადობის ამაღლებას, ასევე, საქართველოს თავდაცვის ძალების მართვისა და კონტროლის შესაძლებლობების განვითარებას. პირველად ისტორიაში, „ნატო-საქართველოს სწავლება 2019“-ის დაგეგმვისა და აღსრულების პროცესს საქართველოს თავდაცვის ძალები JTEC-თან ერთად ხელმძღვანელობს.
ნატოს სამხედრო კომიტეტი საქართველოს მესამედ სტუმრობს. ვიზიტის ფარგლებში ნატოს სამხედრო კომიტეტის სხდომა გაიმართა, სადაც კომიტეტის წევრებმა ინფორმაცია მიიღეს რეგიონში უსაფრთხოების მდგომარეობისა და შავი ზღვის რეგიონში არსებული ვითარების შესახებ. სამხედრო წარმომადგენლები გაეცნენ საქართველოს თავდაცვის ტრანსფორმაციის პროგრესს, ნატო-საქართველოს არსებითი პაკეტის (SNGP) წარმატებულ იმპლემენტაციას, საქართველოს თავდაცვის მზადყოფნის პროგრამასა და საქართველოს მნიშვნელოვან წვლილს გლობალური მშვიდობისა და უსაფრთხოების განმტკიცებაში.
ნატოს სამხედრო კომიტეტის თავმჯდომარე ავიაციის მთავარი მარშალი სერ სტიუარტ პიჩი:
„ჩემთვის დიდი პატივია, რომ ნატოს სამხედრო კომიტეტთან ერთად საქართველოში ვიზიტად ვიმყოფები და „ნატო-საქართველოს სწავლება 2019“ გავეცანი. ასეთი შთამბეჭდავი სწავლება დიდი ხნის განმავლობაში არ მინახავს. ქართველი სამხედროების მიერ სწავლება ძალიან კარგად იყო დაგეგმილი და აღსრულებული. ჩემი პატივისცემა ქართველ სამხედროებს, რომლებიც ამ სწავლებაში იღებენ მონაწილეობას. სწავლება მრავალეროვნულია, საკმაოდ რთულია, თუმცა ქართველმა სამხედროებმა დასახულ ამოცანებს შესანიშნავად გაართვეს თავი. ეს მნიშვნელოვანია ნატო-საქართველოს თანამშრომლობის ფართო კონტექსტშიც. მინდა იცოდეთ, რომ ნატო ძალიან აფასებს საქართველოს წვლილს ნატოს საპასუხო ძალებში, განსაკუთრებით კი, ურყევ მხარდაჭერას ნატოს ოპერაციების მიმართ. გაღებული მსხვერპლის მიუხედავად, საქართველო კვლავ განაგრძობს ნატოს გვერდით დგომას და ჩვენი ერთგული და ნამდვილი მეგობარია. ჩვენ ერთად ვმუშაობთ ჩვენი შესაძლებლობების განვითარებისთვის. ეს ჩემი პირველი, თუმცა ძალიან შთამბეჭდავი ვიზიტია საქართველოში. იმედი მაქვს, რომ კვლავ დავბრუნდები და ჩვენს პარტნიორობას კიდევ გავაძლიერებთ, რაც მნიშვნელოვანია როგორც ალიანსისთვის, ისე საქართველოს თავდაცვის ძალებისთვის. ეს იყო შესანიშნავი შესაძლებლობა ჩემთვის და სამხედრო კომიტეტისთვის, ასევე ყველა იმ ადამიანისთვის, ვისაც ამ ვიზიტის განმავლობაში შევხვდით.“

მაჩვენე მეტი