ატვირთვა
ავტორიზაცია რეგისტრაცია
38 611 254
ნახვა
3 757
ხელმომწერი
3 614
ვიდეო

აფრიკაში უიშვიათესი შავი ლეოპარდი 100 წლის შემდეგ პირველად შენიშნეს

გაზიარება შექმენი ლუპი
თებერვალი 13, 2019
5 680
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია
3 - მომწონს
0 - არ მომწონს

როგორც ჩანს, მითიური დიდი შავი კატა მართლაც არსებობს. ბიოლოგებმა კენიაში პრიალა შავი ლეოპარდი დააფიქსირეს, პირველად 1909 წლის შემდეგ, როცა ცხოველი უკანასკნელად აღბეჭდეს ფირზე. სან-დეიგოს ზოოპარკის მეცნიერის, ნიკ პილფოლდის განცხადებით, მათ ძალიან გაუმართლათ, როცა ლეოპარდს ვიდეო გადაუღეს. ბიოლოგთა ჯგუფმა ლოისაბის ნაკრძალში სპეციალური კამერები მოათავსა, რათა ლეოპარდთა პოპულაციისთვის ეთვალთვალათ. სწორედ მაშინ გაიგეს დაუდასტურებელი ცნობები შავი ლეოპარდის შესახებ. მათ კამერები ზუსტად იმ ადგილებში განათავსეს, სადაც ცნობები შავი ლეოპარდის შესახებ მიუთითებდა. დაკვირვებები რამდენიმე თვე გაგრძელდა.

მდედრი ლეოპარდის ბეწვი კუპრივით შავია. ამის მიზეზია მელანიზმი — გენების მუტაცია, რაც პიგმენტების გადაჭარბებულ წარმოქმნას იწვევს. წარმოადგენს ალბინიზმის საპირისპირო მოვლენას.

ნიკ პილფოლდის განცხადებით, შავი ლეოპარდების, იგივე შავი პანტერების შემჩნევის შესახებ ცნობები აქამდეც ვრცელდებოდა, მაგრამ ბოლო დადასტურებული დაკვირვება მათზე საუკუნეზე მეტი ხნის წინ, ეთიოპიაში მოხდა.

მისი თქმით, გლობალური მასშტაბით მელანიზმი ლეოპარდების 11 პროცენტში ფიქსირდება, მაგრამ ასეთ ლეოპარდთა უმეტესობა სამხრეთ-აღმოსავლეთ აზიაში ბინადრობს. შავი ლეოპარდები აფრიკაში უიშვიათესია. ასეთი ცხოველი აფრიკაში ბოლოს 1909 წელს, ეთიოპიაში შენიშნეს.

ლეოპარდები კრიტიკულად საფრთხის ქვეშ იმყოფებიან და ბუნების დაცვის საერთაშორისო კავშირის მიერ შეტანილია წითელ სიაში.

ლეოპარდთა პოპულაციის კლების ზუსტი ციფრები უცნობია. მათი ძირითადი საფრთხეებია ნადირობა, ჰაბიტატის დაკარგვა, ბრძოლა მსხვერპლისთვის და კონფლიქტი ფერმერებთან.

მომზადებულია cnn.com-ის მიხედვით.

მაჩვენე მეტი
ტეგები : #ცხოველები #WorldNews
Georgian Daily News-ის აპლიკაცია