ატვირთვა
ავტორიზაცია რეგისტრაცია
115 326
ნახვა
7
ხელმომწერი
368
ვიდეო

დავით კვაჭაძის სახელობის თბილისის საერთაშორისო ტურნირი 12/04.2017

გაზიარება შექმენი ლუპი
აპრილი 13, 2017
89
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია
1 - მომწონს
0 - არ მომწონს

სერგო დავლიანიძის რუბრიკა - კრივი და ქართველი მოკრივეები.
თბილისი 11-დან 14 აპრილის ჩათვლით, სახელგანთქმული ქართველი მოკრივის დავით კვაჭაძის სახელობის პირველ საერთაშორისო ტურნირს უმასპინძლებს. შეჯიბრება დიღომში მდებარე, შოთა ჩოჩიშვილის სახელობის ძიუდოს აკადემიაში გაიმართება. ქართველ მოკრივეებთან ერთად ტურნირში, გერმანიის, ისრაელის, რუსეთის, აზერბაიჯანის, სასომხეთისა და უკრაინის ნაკრების მოკრივეები გამოვლენ. მომავალ დიდ ღონისძიებასთან დაკავშირებით სპორტისა და ახალგაზრდობის საქმეთა მინისტრმა ტარიელ ხეჩიკაშვილმა მოადგილე შალვა გოგოლაძესთან ერთად კრივის ეროვნული ფედერაციის პრეზიდენტს დავით წიკლაურს, ფედერაციის წარმომადგენლებს და მოკრივეებს უმასპინძლა.
"მისასალმებელია, რომ კრივის ეროვნული ფედერაციის ხელმძღვანელები ძალისხმევას არ იშურებენ და შედეგიც სახეზეა – საერთაშორისო ასპარეზობებს სულ უფრო ხშირად ვმასპინძლობთ და რაც მთავარია, ჩვენი სპორტსმენები წარმატებით გამოდიან მნიშვნელოვან შეჯიბრებებში. აქვე მსურს განვაცხადო, რომ კრივის ეროვნული ფედერაცია სამაგალითოა სპონსორთა მოზიდვით, რაც აუცილებლად უნდა გაითვალისწინონ სპორტის სხვა სახეობათა წარმომადგენლებმა. მსურს წარმატება ვუსურვო ქართველ მოკრივეებს, ფედერაციის წარმომადგენლებს კი წინსვლა და უფრო დიდ გამოწვევებთან გამკლავება”, – განაცხადა მინისტრმა ტარიელ ხეჩიკაშვილმა.
„დავით კვაჭაძის სახელობის პირველი საერთაშორისო ტურნირი ჩვენთვის დიდი გამოწვევაა. გვსურს ორ-სამ წელიწადში ევროპის ასაკობრივ ჩემპიონატს ვუმასპინძლოთ და ამიტომ გვჭირდება დიდი საერთაშორისო შეჯიბრებები: გამოცდილებას მივიღებთ, ამასთანავე, საერთაშორისო ფედერაციის მესვეურებიც დარწმუნდებიან, რომ მაღალი დონის შეჯიბრების მიღების საშუალება გვაქვს. სადღეისოდ კვაჭაძის სახელობის საერთაშორისო ტურნირი B კატეგორიისა, თუმცა ვიმედოვნებთ, რომ უახლოეს მომავალში მისი რეიტინგი გაიზრდება. აქვე დავამატებ, რომ სპორტისა და ახალგაზრდობის საქმეთა სამინისტრო ყველანაირად მხარში გვიდგას, ამისთვის კი მადლობის მეტი არაფერი გვეთქმის”, – განაცხადა კრივის ეროვნული ფედერაციის პრეზიდენტმა დავით წიკლაურმა.

მაჩვენე მეტი