გაიცანით, ეს არის ლოუი ლეინი – პოზიტიური მაგალითი ადამიანებისთვის. თავის ბლოგზე ის წერს იმის შესახებ, თუ რამდენად მნიშვნეოვანია, აფასებდე საკუთარ სხეულს, რა ზომისაც არ უნდა იყოს ის. ეს ვიდეო არის პასუხი ყველასთვის, ვინც მას მსუქანს, დიდს და არაჯანსაღი სხეულის მქონეს ეძახდა.
გთავაზობთ ტექსტის ქართულ თარგმანს:
‘ეს ჩემი სხეულია. ეს იმ ადამიანის სხეულია, ვინც იტანჯებოდა კვების დარღვევისგან. ამ სხეულს ვერავინ უგებს. როცა მას ხედავენ, ფიქრობენ, რომ მე ვძივარ დივანზე და მაკდონალდის საკვებს ვჭამ მთელი დღის მანძილზე, მაშ, როცა რეალურად არასოდეს მინახავს ბიგ მაკი საკუთარი თვალით. მეუბნებიან, რომ ჩემი სხეული არ არის კარგი. ‘არ არის ნორმალური, როცა მსუქანი ხარ’ – ამბობენ ისინი. ‘ჯანმრთელი უნდა იყო, ცოტა დაიკელი.’ მაგრამ როდესაც სპორტულ დარბაზში მხედავენ, ჩურჩულებენ და იმდენად ხმამაღლა იცინიან, რომ მეც გავიგონო. მე დასაცინი ვარ, მანამ, სანამ არ ჩავჯდები სილამაზის იმ სტანდარტში, რაც ეს მიღებულია საზოგადოებაში.
მაგრამ, სანამ მეტყოდეთ, რა არის ცუდი ჩემს სხეულში, ნება მომეცით გითხრათ, რა არის კარგი. ამ სხეულს შეუძლია ირბინოს რამდენიმე მილი და არ შემომჩივლოს. ეს სხეული ძლიერია. მას აქვს კუნთები და ცელულიტი. ამ სხეულს ჯანმრთელი საკვებით ამარაგებენ, მაგრამ არაფერი მოსდის, თ დროდადრო ცუდ საკვებსაც მივაწვდი. ეს არის 14 ზომის სხეული, რაც ამერიკელი ქალების საშუალო ზომაა. ის ისე უნდა წარმოჩინდეს, როგორიც არის: მშვენივრად. ეს ერთადერთ სხეულია, რომელიც გამაჩნია დარჩენილი სიცოცხლის მანძილზე. ის აჩვენებს ჩემს წვალებასა და პროგრესს. რატომ არ უნდა ვამაყობდე მისით? რატომ არ უნდა ვიზეიმო ის? რატომ არ უნდა ჰგავდეს ბილიკი სილამაზისკენ ოდნავად მაინც საბოლოო შედეგს? მე მადლიერი ვარ იმის გამო, რაც ამ სხეულს ჩემთვის გაუკეთებია. მე მადლიერი ვარ ცხოვრების ჯანსაღი წესისთვის, რომელსაც მივდევ, გონებრივადაც და ფიზიკურადაც. მე ვამაყობ იმით< რაც დავძიე.
ეს ჩემი სხეულია.’