ატვირთვა
ავტორიზაცია რეგისტრაცია

ალენ დელონი

Alain Delon

  • დაბადების თარიღი: 1935-11-08

ფრანგი მსახიობი, პროდიუსერი, რეჟისორი და სცენარისტი. გარდა ამისა იგი არის კოლექციონერი, გატაცებულია დოღით, ორგანიზატორია კრივის ჩემპიონატის. 1999 წლიდან ორმაგი მოქალაქეობა აქვს: საფრანგეთისა და შვეიცარიის. ალენ დელონი კინომატოგრაფიის ისტორიაში შევიდა როგორც ლამაზი, მეამბოხე, ენიგმატური და ფატალური მამაკაცი.ალენის მამა, კორსიკელი ფაბიენ დელონი ო-დე-სენის ქალაქ სოში პატარა კინოთეატრის მმართველი იყო, დედა, ედიტი კი- ფარმაცევტი. 1939 წელს მშობლები განქორწინდებიან და პატარა ალენს ჯერ ერთი ოჯახი იშვილებს, შემდეგ კი სენ-ნიკოლა დ'ინის კათოლიკურ პანსიონში მიაბარებენ, სადაც მთელ ახალგაზრდობას ატარებს. იგი მეამბოხე და უდისციპლინო ბავშვია, რის გამოც სკოლიდან 6-ჯერ გააგდებენ. მალე ალენის დედა მეორედ გათხოვდება პოლ ბულონზე, რომელიც ძეხვეულის ფაბრიკაში მუშაობს. ალენი მამინაცვლის პროფესიას ეუფლება და მოგვიანებით მის საქმიანობას აგრძელებს, თუმცა ეს საერთოდ არ ხიბლავს.

1953 წელს ალენი სამხედრო სამსახურში მიდის და ინდოჩინეთის ომში იღებს მონაწილეობას. სამი წლის შემდეგ, საფრანგეთში დაბრუნებული იძულებულია წვრილი სამუშაოები შეასრულოს საარსებო თანხის საშოვნელად. მალე იგი ხვდება ჟან-კლოდ ბრიალის, რომელიც მიიპატიჟებს კანის საერთაშორისო ფილმების ფესტივალზე. აქ განსაკუთრებულად ლამაზი გარეგნობის ახალგაზრდას მალევე ამჩნევენ. იგი რამდენიმე სასინჯ ჩვენებას გაივლის და ადვილად შეაღწევს კინემატოგრაფიის სამყაროში ყოველგვარი პროფესიული განათლების გარეშე.

1957 წელს გამოდის მისი პირველი ფილმი, ივ ალეგრეს „როცა ქალი ერევა“, რასაც ძალიან დიდი წარმატება მოჰყვება მთელს ევროპაში. ამის შემდეგ დელონის კარიერა სწრაფად ვითარდება, მასთან თანამშრომლობენ ცნობილი ევროპელი და ამერიკელი რეჟისორები. 1958 წელს, „კრისტინას“ გადაღების დროს ალენ დელონი გაიცნობს რომი შნაიდერს. ალენი ამ დროს 23 წლისაა, რომი - 20-ის. მათ ერთმანეთი შეუყვარდებათ და 1959 წლის 22 მარტს დაინიშნებიან. მათი წყვილი მშვენიერების, ახალგაზრდობისა და წარმატების განსახიერებად იქცევა შოუ-ბიზნესის სფეროში.

1960 წელს დელონი თამაშობს ლუკინო ვისკონტის ფილმში, „როკო და მისი ძმები“, რომელიც ვენეციის კინოფესტივალის ჟიურის სპეციალურ პრიზს დაიმსახურებს. 1964 წელს დელონი შორდება რომი შნაიდერს და ცოლად ირთავს მსახიობ ნატალი კანოვას, რომელთანაც შეეძინება ვაჟიშვილი, ანტონი. 1967 წელს ალენი და ნატალი დელონები ერთად მონაწილეობენ ჟან-პიერ მელვილის ფილმში „სამურაი“. 1968 წელს, „ჟეფის“ გადაღების დროს ალენს შეუყვარდება მირეი დარკი და გაცილდება ცოლს.

1974 წელს ორგანიზებას უკეთებს საფრანგეთში კრივში საერთაშორისო ჩემპიონატს. ამავე პერიოდში აგებს თავლას დოღის ცხენების მოსაშენებლად და იღებს მსოფლიო ჩემპიონის ტიტულს ჯირითში. 1978 წელს დელონი იწყებს თავისი სახელობის სუნამოს, შამპანურის, კონიაკის, მაჯის საათების, სათვალეების, სიგარეტის, ტანსაცმლისა და აქსესუარების გამოშვებას ჟენევაში. ამ წამოწყებას მსახიობისთვის უზარმაზარი შემოსავალი მოაქვს. მალე დელონი შვეიცარიაში სახლდება და მოქალაქეობასაც იღებს.

1987 წელს დელონი ცოლად ირთავს ჰოლანდიელ მანეკენს, როზანი ვან ბრიმენს, რომელთანაც 1990 წელს შეეძინება ქალიშვილი, ანუშკა და 1994 წელს - ვაჟიშვილი, ალენ-ფაბიენი. 2001 წელს ფოტოგრაფი კრისტიან აარონ ბულონი გამოსცემს მოგონებების წიგნს „სიყვარული არასოდეს ივიწყებს“, სადაც ამტკიცებს, რომ იგი ალენ დელონის არაღიარებული შვილია. მომდევნო წელს როზალი ვან ბრემენი ალენ დელონს მიატოვებს, რასაც 67 წლის მსახიობი მწვავედ განიცდის.

2003 წელს კლაუდია კარდინალე მას მარაკეშის საერთაშორისო ფილმების ფესტივალზე „ოქროს ვარსკვლავს“ გადასცემს, ორი წლის შემდეგ კი ჟაკ შირაკი საპატიო ლეგიონის ორდენს მიანიჭებს მსოფლიო კინემატოგრაფიაში შეტანილი წვლილისთვის. 1999 წელს ჟურნალ „FORBEES“-ის გამოკითხვით საუკუნის მამაკაცად აღიარეს.

ვრცლად
ფილმოგრაფია
საბოლოო მონტაჟი: ქალბატონები და ბატონები Final Cut: Hölgyeim és uraim
წელი: 2012

500-ზე მეტი სასიყვარულო სცენა საკულტო ფილმებიდან - როგორც შეხსენება გაიხსენო ის, თუ რა არის «ნამდვილი ფილმი სიყვარულზე» და «ნამდვილი მამაკაცი და ქალბატონი»…

დედებო გილოცავთ ახალ წელს! Happy New Year, moms!
წელი: 2012

ახალი გმირები ახალი თავგადასავლებით და ახალი ამბებით რომელსაც აერთიანებთ ერთი რამ - დედისადმი სიყვარული. ხუთი ნოველა, სასაცილო დრამატული და რომანტიული, ბედნიერი დასასრულით…

ერთი შანსი ორისთვის Une Chance Sur Deux
წელი: 1998 IMDB: 5.6

ის 20 წლისაა, ძალიან ლამაზია, ახლახანს გამოვიდა ციხიდან და მანქანების გატაცების დიდოსტატია. ორი მამობის პრედენდენტი ყავს, ორივე თავის საქმის პროფესიონალი. როდესაც მათთან ერთად არის არც საფრანგეთის პოლიციის ეშინია, და არც მაფიის.

პოლიციელის სიტყვა Parole de flic
წელი: 1985 IMDB: 5.5

პოლიციელ დანიელ პრატს გარდაეცვალა ცოლი, მაგრამ დანაშაული არ იყო გახსნილი. ის ტოვებს პოლიციას და სულიერი ტკივილის გასანელებლად მიემგზავრება აფრიკაში. მაგრამ სიმშვიდე მას მხოლოდ ესიზმრება. დანიელი იგებს მისი ქალიშვილის მკვლელობის ამბავს და მიექანება ლიონში, სადაც გადის საიდუმლო ორგანიზაციის კვალზე...

სვანის სიყვარული Un amour de Swann
წელი: 1984

ახალგაზრდა და მდიდარი შალ სვანი აბსოლუტური სიყვარულის ძებნით არის დაკავებული. და როდესაც მშვენიერი ადეტ დე კრესი მოჰყავს ცოლად დარწმუნებულია, რომ ნამდვილი სიყვარული იპოვნა. მაგრამ 11 წლის შემდეგ ყველაფერი იცვლება...

ჩვენი ამბავი Notre histoire
წელი: 1984 IMDB: 6.6

რობერტ ავრანში არჩევანის წინ დადგება: – ალკოჰოლი თუ ქალის სიყვარული, რომელსაც მატარებელში გაიცნობს. რეჟისორი თავის საყვარელ თემას ჩაწვდება – ქალის სექსუალური დაუკმაყოფილება, ზოგი სცენები კი თითქოს ნასესხები ჩანს მისი წარსული ფილმებიდან...

შოკი Le choc
წელი: 1982 IMDB: 5.4

დაქირავებული მკვლელი კრისტიან მორელი ყოველთვის სარგებლობდა მაღალი მოთხოვნილებით მაფიოზურ წრეებში. მაგრამ 10 წლის შემდეგ ის გადაწყვიტავს ბიზნესიდან გასვლას და სოფელში დასახლებას. რა თქმა უნდა ყოფილი დამკვეთები უკმაყოფილონი არიან მისი გადაწყვეტილებით...

სამი მოსაკლავია 3 hommes à abattre
წელი: 1980

პროფესიონალი კარტის მოთამაშე მიშელ ჟერფო, სახლში გვიან ღამით დაბრუნებისას, შეამჩნევს დაჭრილ ადამაინს. და დაუფიქრებლად მას საავადმყოფოში წაიყვანს, მაგრამ მოულოდნელად მიხვდება, რომ მახეში აღოჩნდა: მას უთვალთვალებენ...

არამზადას სიკვდილი Mort D'Un Pourri
წელი: 1977

დეპუტატის, მკვლელის და კორუმპირებული მაფიოზის უეცარმა სიკვდილმა მთლიანად გადაატრიალა მისი უანგარო მეგობრის ქსავიე მარეშალის ცხოვრება. მას ხელში ჩაუვარდება რვეული კომპრომატებით საკმაოდ ცნობილ პიროვნებებზე. ის ირჩევს "მარტოხელა მგლის" პოზიციას, არ ენდობა არც პოლიციას და არც სპეცსამსახურებს მანამ სანამ შოკისმომგვრელ დოკუმენტზე მონადირეები არ მიიმწყვდევენ კუთხეში...

ბოშა Le Gitan
წელი: 1975 IMDB: 6.2

საფრანგეთის საკურორტო ზონა სოციალური კონტრასტების მიწა, ზღვის ნაპირებზე ისვენებს მრავალი ტურისტი, იქვე შორიახლოს ბოშათა დასახლეებაა სადაც ბევრად განსხვავებული ცხოვრებაა, გაჭირვება – ცხოვრების აუტანელი პირობები, უგო მეტსახელად ბოშა ცდილობს ბოლო მოუღოს დასახლებაში არსებულ გაუსაძლის მდგომარეობას, ის ხდება პროფესიონალი მკვლელი...

პოლიციელის ამბავი Flic Story
წელი: 1975 IMDB: 6.8

ეს ფილმი დაფუძნებულია რეალურ ისტორიაზე და მოგივთხრობს საშიში დამნაშავე ემილი ბუისონიზე ნადირობაზე, რომელიც ციხიდან გაიქცა 1947 წელს.

გაყინული მკერდი Les Seins de glace
წელი: 1974 IMDB: 5.7

ნიცა, ზამთარი. ფრანსუა წერს ახალ სცენარს. მაგრამ ისევ არაფერი გამოსდის. უკვე არაერთხელ ის ხედავს პლიაჟზე მოწყენილ ქერა ქალს, რომელიც მას ძალიან მოსწონს. ის გადაწყვიტავს გაიცნოს ის. მას ჰქვია პეგი. ის მარტოსულია. მისი ერთადერთი მეგობარი– ადვოკატი მარკ რილსენია. რატომ ღელავს ფრანსუა? ის ვერ ხვდება , რომ პეგი მოიტანს მის ცხოვრებაში საშინელ უბედურებას...

ორნი ქალაქში Deux hommes dans la ville
წელი: 1973

ჟან გაბენის სიტყვაძვირი და უშიშარი გმირი ყოფილ დამნაშავეებს ეხმარება. ამჯერად მისი დახმარების ობიექტი ჯუნოა, რომელსაც ის არაერთხელ დაეხმარა... მაგრამ მას პოლიციაში დაუმარცხებელი მტერი დარჩა, რომელიც გასაქანს არ მისცემს..

აუზი La piscine
წელი: 1969 IMDB: 5.2

ჟან-პოლი და მარიანა შვებულებას სანაპიროზე, მეგობრების ვილაში, იდეალურ ატმოსფეროში ატარებენ... თუმცა საზაფხულო იდილიას მარიანას ყოფილი საყვარელი არღვევს... აუზთან სცენაზე დეტექტიური ინტრიგით სავსე ტრაგედიის დრო დგება - აუზის ფსკერზე სტუმრის გვამს აღმოაჩენენ....

სიცილიური კლანი Le clan des Siciliens
წელი: 1969

ახალგაზრდა განგსტერი როჟე სარტე ფურგონიდან გაქცევას ახერხებს, როდესაც ის სასამართლოს დარბაზიდან ციხეში გადაჰყავთ. სიცილიური კლანის მეთაურის, ვიტორიო მანალეზეს დახმარებით, ყველაფერი კარგად წარიმართება. როჟე მას მსხვილი ძარცვის განსახორციელებლად სჭირდება. კლანი რომში, საერთაშორისო გამოფენაზე წარმოდგენილი ძვირფასეულობების გატაცებას გეგმავს.

სიკვდილის სული Histoires Extraordinaires
წელი: 1968 IMDB: N/A

შესანიშნავი კინოალმანახი ედგარ ალან პოს მისტიური ნოველების მოტივებზე. პირველ ნოველაში აღვირახსნილი და თავნება გრაფინია ფრედერიკას, რომელსაც სიამოვნებას ანიჭებს ქვეშევრდომების და მეზობლების დაცინვა, თავისი ცხენი უყვარდება და მასთან ერთად იღუპება. მეორე ნოველის გმირი, ვილიამ ვილსონი თავის ორეულთან სასიკვდილო ბრძოლაშია ჩაბმული, რომელიც მთელი ცხოვრება უთვალთვალებს. ბანქოს თამაში კი გარდატეხის მომენტი ხდება ამ ბრძოლაში, სადაც ადამიანი თავის სინდისს ებრძვის. მესამე ნოველაში კი, გალოთებულ ნარკომანს, ტობი დამიტს სატანა ევლინება გოგონას სახით...

სამურაი Le samourai
წელი: 1967

ჯეფ კასტელო დაქირავებული მკვლელია. ის ჭკვიანი, გამოცდილი და პროფესიონალია და მის საქმეში საუკეთესოდ ითვლება. ახლა ის ერთი გავლენიანი ადამიანისგან „მორიგ“ შეკვეთას იღებს. ჯეფი დავალებას ზედმეტი სიძნელეების გარეშე აკეთებს და მის უკან არანაირი კვალი არ რჩება...

ლეოპარდი Il Gattopardo
წელი: 1963

1860 წლის მაისში იტალიაში გარიბალდის მომხრე რესპუბლიკელებსა და ბურბონებს შორის სამოქალაქო ომი გაჩაღდა. ქვეყანაში არსებული დრამატული მდგომარეობა გულგრილს არც იტალიელ აზნაურს, მეტსახელად ლეოპარდს ტოვებს.

დაბნელება L eclisse
წელი: 1962

ვიქტორიას ცხოვრებაში გარემოებები მუდმივად იცვლება: მამაკაცი - მეგობარი – სხვა მამაკაცი - მეზობელი... წასვლა - მოსვლა, შეხვედრები, ჭორები... ყველაფერი ღრუბელივითაა - ისინი არიან და თვალის დახამხამებაში ქრებიან. არაფერია განსაკუთრებული. ცხოვრება გრძელდება. მაგრამ, ერთ მშვენიერ დღეს პაემანზე აღარავინ მოდის..

როკო და მისი ძმები Rocco e i suoi fratelli
წელი: 1960

დაქვრივებული როსარია პარონდი, თავის ოთხ ბიჭთან ერთად გადაწყვიტავს საცხოვრებლად მილანში გადავიდეს, სადაც მისი მეხუთე შვილი ცხოვრობს. თანდათან ყველა ძმა თავის ადგილს და სამუშაოს პოულობს. მაგრამ ერთ დროს შეკრულ ოჯახში განხეთქილებაა: როკო თავის სასტიკ ძმასთან - სიმონთან წინააღმდეგობაში მოდის. განხეთქილების მიზეზი მსუბუქი ყოფაქცევის ნადიაა...