ატვირთვა
ავტორიზაცია რეგისტრაცია

კლინტ ისტვუდი

Clint Eastwood

  • დაბადების თარიღი: 1930-05-31

დაიბადა 1930 წლის 31 მაისს სან-ფრანცისკოში, აშშ. ახალგაზრდობის წლები კლინტ ისტვუდმა მიუძღვნა სპორტს და ფიქრობდა კიდეც სპორტსმენის პროფესიონალურ კარიერაზე. სპორტმა მას ჩამოუყალიბა განსაკუთრებული ხასიათი. მსახიობობის სარბიელზეც კიისტვუდმა შეინარჩუნა სპორტსმენისთვის დამახასიათებელი ყველა თვისება: პირველობის სურვილი, მიზნის მიღწევის დაუშრეტელი ჟინი და შრომისმოყვარეობა. კლინტ ისტვუდი პირველად ეკრანზე გამოჩნდა 1954 წელს. 40-კვირიანი ხელშეკრულება სტუდია უნივერსალთან დიდს არაფერს პირდებოდა ახალბედა მსახიობს. მისი სახელი ტიტრებშიც კი არ ჩანდა. ეს იყო ეპიზოდური, ხშირად კი საერთოდ მუნჯი როლები. მისი დებიუტი ტელევიზიაში 1956 წელს აგრეთვე არ იყო ტრიუმფალური: მცირე როლები სერიალებში მხოლოდ ლუკმა პურის შოვნის საშუალებას იძლეოდა. თუ შევადარებთ მის კინოკარიერას სპორტს, შეიძლება ითქვას რომ 10 წელი ის ვარჯიშობდა და იძენდა გამოცდილებას, მითუმეტეს რომ სპეციალური სამსახიობო განათლება მას არ გააჩნდა.

მსახიობის პირველი წარმატების მომასწავებელი გახდა იტალიელი რეჟისორის სერჯიო ლეონეს ფილმში „მუჭა დოლარში“ (1964) უცნობის როლი. შემდეგ კი ფილმი „კარგი, ცუდი, ბოროტი“ (1966)

სწორედ ამ დროს 34 წლის ასაკში მსახიობს გაუღიმა ფორტუნამ. როლმა „უცნობი“ მოუტანა წარმატება. კლინტ ისტვუდს ამ დროს იღებენ ჰარი კოლახენის როლში, რომელიც ხდება მისთვის ცენტრალური- პოლიციელი-მარტოსული, რომელიც თავგანწირულად ებრძვის დანაშაულებრივ სამყაროს. ეკრანზე გამოჩნდა ძლიერი პიროვნება, რომელსაც არაფრის ეშინია და რომელიც იცავს ადამიანებს დანაშაულებრივი სამყაროსგან. თავად კონსერვატორული ბუნების მქონე მსახიობიც არ მალავდა სიმპათიას საკუთარი გმირის მიმართ. ამ ფილმს მოჰყვა გაგრძელება და ჰარი კოლახენი დაბრუნდა ფილმებით „დამსჯელი“(1976), „მოულოდნელი დარტყმა“ (1983)...

მსახიობი საუკეთესოდ განასახიერებს გამბედავ, შეუდრეკელ, თავის სიმართლეში დარწმუნებულ მამაკაცებს. თავად ისტვუდიც გულწრფელად აღირებს, რომ სწორედ ასეთ გმირებს თამაშობს სიამოვნებით, სწორედ ამიტომ მისი პერსონაჟები დამაჯერებლად გამოიყურებიან. ფრენკ მორისი- ლეგენდარული დამნაშავე, რომელიც გამოიქცევა ყველაზე სასტიკი ამერიკული ციხიდან „გაქცევა ალკატრასიდან“ (1979), სუპერაგენტი მიტჩელ გრანტი „ცეცხლის ხასზე“ (1993)..
ასევე უნდა ავღნიშნოთ, რომ კლინტ ისტვუდი არის საკმაოდ წარმატებული ბიზნესმენი და 1968 წელს მის მიერ შეძენილი კონოკომპანია „მალპასო პროდაქშენი“ წარმატებით ფუნქციონირებს. მან სცადა საკუთარი ძალები როგორც რეჟისორმაც და გადაიღო მრავალი ფილმი. 1993 წელს ისტვუდმა როგორც რეჟისორმა მიიღო ოსკარი ფილმისთვის „დაუპატიჟებელი“

ისტვუდი საკმაოდ ავტორიტეტულია კინოსამყაროში. ის ხელოვნების ნაციონალური კავშირის შეუცვლელი წევრია.

ვრცლად
ფილმოგრაფია
სალი Sally
წელი: 2016 IMDB: 7.9

2009 წელს 15 იანვარს მომხარ ამბავს "სასწაული ჰუძონზე " შეარქვეს. ამ დღეს რეისი კაპიტანმა ავარიული დაშვება განახორციელა მდინარე ჰუძონზე. 155 მგზავრიდან არც ერთი არ დაღუპულა. მიუხედავად ამისა, გამოძიება დაიწყო. კაპიტანი სალის რეპუტაციას და კარიერას საფრთხე ემუქრებოდა...

ბიჭები ჯერსიდან Jersey Boys
წელი: 2014 IMDB: 7.1

“ფორ სიზონს” მუსიკალური ბენდია, რომელიც მეგობრებისგან შედგება, ფილმში მოთხრობილია ამ ბენდის აღმასვლის და წარმატების რეალური ისტორია. მათი მუსიკა თავისი თაობის სიმბოლოდ იქცა…

ამერიკელი სნაიპერი American Sniper
წელი: 2014 IMDB: 7.5

ფილმში მოთხრობილია თუ როგორ გახდა ტეხასელი, როდეოს ჩემპიონი ქრის კაილი აშშ-ს ისტორიაში ყველაზე შედეგიანი სნაიპერი. მან ცხელ წერტილებში 150 დადასტურებული ლიკვიდაცია მოახდინა…

ჩახვეული ბურთი Trouble with the Curve
წელი: 2012 IMDB: 6.7

ხნიერი ბეისბოლის მწვრთნელის ისტორია. გმირი თანდათანობით კარგავს მხედველობას და მის ქალიშვილთან ერთად, ბოლო ჯერ მიემგზავრება იპოვოს ბეისბოლის მომავალი ვარსკვლავები…

ჯ.ედგარი J. Edgar
წელი: 2011

ფილმი ეძღვნება FBI-ს ლეგენდარულ ხელმძღვანელს ედგარ გუვერს. ოდიოზური დირექტორი სათავეში ედგა ბიუროს ნახევარი საუკუნის მანძილზე. მან გამოუცხადა ომი ჰანგსტერებსა და კუ-კლუს-კლანის წევრებს. გუვერი აგროვებდა უამრავ დოსიეს "არასასიკეთო მოქალაქეებზე", რომელთა შორის იყვენენ ცნობილი პოლიტიკოსებიც და ჰოლივუდის ვარსკვლავებიც.

დაუმორჩილებელი Invictus
წელი: 2009

ფილმი მოგვითხრობს აპარტეიდის დაცემის შემდგომი პერიოდის შესახებ, როდესაც სამხრეთ აფრიკამ 1995 წელს თავისთან ჩაატარა მსოფლიო ჩემპიონატი რაგბიში. ეს იყო ნელსონ მანდელას პირველი საპრეზიდენტო ვადა. ის ყველანაირი ძალებით ცდილობდა მრავალწლიანი გაუგებრობის შეჩერებას თეთრკანიან და შავკანიან მოსახლეობას შორის.

გრან ტორინო Gran Torino
წელი: 2008 IMDB: 8.3

მოხუც უოლტს საკოლექსიო მანქანა ეკუთვნის და მასთან ახლოსაც არავის უშვებს. ავტომობილი რა თქმა უნდა ადგილობრივი მოზარდების წარმოსახვას აღიზიანებს და ერთერთი მათგანი გადაწყვეტს, რომ გაიტაცოს მანქანა

წერილები ივოძიმიდან Letters from Iwo Jima
წელი: 2006

სხვა შეხედულება ტრაგიკულ ბრძოლაზე ივოდზიმში, რომლიც არა მარტო ისტორიულ მოვლენად და გარდატეხის მომენტად იქცა აშშ–ს წყნარი ოკეანეს კამპანიის დროს იაპონიის წინააღმდეგ, არამედ კულტურების და მსოფლმხედველობის შეჯახებადაც.

ჩვენი მამების დროშები Flags of Our Fathers
წელი: 2006

ექვსი ამერიკელი ქვეითი ჯარისკაცის ისტორია, რომლებმაც დროშა აღმართეს სურიბაჩის მთის მწვერვალზე ივოძიმეს ბრძოლის მსვლელობისას. კუნძული ივოძიმას აღების ოპერაცია 1945 წლის გაზაფხულს ამერიკა-იოპონიის წყნაროკეანური კამპანიის გარდამტეხ მომენტად იქცა.

იდუმალი მდინარე Mystic River
წელი: 2003

ჯიმ მარკუმი, დეივ ბოილი და შონ დევინი - ბავშვობის განუშორებელი მეგობრები არიან. ისინი ერთად, როგორც ჩვეულოებრივი ბავშვები ბოსტონის ქუჩებში იზრდებიან. და ასე გრძელდება მანამ, სანამ დეივს დააძალებენ მანქანაში გასეირნებას, რაც სამუდამოდ ცვლის არა მარტო ახლანდელ ბიჭების ცხოვრებას, არამედ მათ მომავალსაც... 25 წლის მერე ბედისწერა კვლავ ახვედრებს მათ ტრაგედიის წინ: 19 წლის ჯიმის ქალიშვილის საზარელი მკვლელობის წინ. პოლიციელს, რომელსაც ამ საქმის გამოძიებას ავალებენ, - შონ დევინია, რომელმაც თავის თანაშემწესთან ერთად უნდა გამოიძიოს სავარაუდოდ აზრს მოკლებული დანაშაული.

სისხლიანი სამსახური Blood Work
წელი: 2002 IMDB: 6.3

ტერი მაკკალები - ფედერალური ბიუროს ყოფილი აგენტია, რომლის სპეციალიზაცია სერიული მკვლელობებია, მან გადაიტანა გულის გადანერგვის ოპერაცია და ახლა პენსიაზე იმყოფება. მაგრამ მისი ცოდნა და გამოცდილება კვლავაც საჭიროა– ის ახალ დავალებას ღებულობს. ქირაობს მას ვინმე გრასელია რივერსი და ავალებს საკუთარი დის სიკვდილის მიზეზის გამოიძიებას...

კოსმოსური კოვბოები Space Cowboys
წელი: 2000

1958 წელს ოთხ მამაც პილოტს, რომლებიც პირველები უნდა გამგზავრებულიყვნენ კოსმოსში, ინტრიგების შედეგად ფრენა საერთოდ აუკრძალეს. ორმოცი წლის განმავლობაში ისინი არავის გახსენებია, მაგრამ აი, შეტყობინება შემოვიდა: ძველი საბჭოთა კავშირის სპუტნიკი დედამიწაზე შეიძლება ჩამოვარდეს. პლანეტას კატასტროფა ემუქრება. სპუტნიკის ტექნოლოგია იმდენად დაძველდა, რომ აქ დახმარება მხოლოდ ოთხ ყოფილ ასტრონავტს შეუძია...

აბსოლუტური ძალაუფლება Absolute Power
წელი: 1997 IMDB: 6.6

ლიუტერ უიტნი – ძვირფასეულობის გენიალური ქურდია. მან მოიხადა თავისი კიდევ 30 წლის წინ. იმ დროიდან არ ჰქონია პოლიციასთან არანაირი საქმე. აქ კი – 'ტვინი აერია'. კარგად მომზადებული, ის შეძვრა ცნობილი ფილანტროპის სალივანის მდიდრულ სახლში და ქალის სამკაულები ჩაიგდო ხელში... მაგრამ ამ მომენტში საძინებელში შევიდნენ მამაკაცი და ქალი. ქალი – კრისტი, სალივანის მეუღლე, მამაკაცი კი – აშშ–ს პრეზიდენტი რიჩმონდი!.. უიტნი დაიმალა და თვალს ადევნებდა, როგორ გადაიზარდა სასიყვარულო ფლირტი ბრძოლაში. პრეზიდენტმა სადისტურად დაიწყო მოქცევა, კრისტიმ კი აიღო ქაღალდების დასაჭრელი დანა და დაჭრა პარტნიორი. საძინებელში შემოიჭრა დაცვა, და კრისტი სასიკვდილოდ დაჭრეს. საუბედუროდ უიტნი ვერ დარჩა ინკოგნიტოდ, თუმცა შეძლო გაქცევა...

შუაღამე სიკეთისა და ბოროტების ბაღში Midnight in the Garden of Good and Evil
წელი: 1997

ქალაქ სავანაში, ძველ მდიდრულ სახლში შობას აღნიშნავენ. შეკრებილი სტუმრები დიდ შთაბეჭდილებას მოახდენენ ჩამოსულ პოპულარული გამომცემლობის ჟურნალისტზე. ყველა დაპატიჟებული ადგილობრივი მაცხოვრებელია...

მედისონის ხიდები The Bridges of Madison County
წელი: 1995

მათი ღვთიური კავშირი მხოლოდ ოთხი დღე გრძელდებოდა, სიყვარული კი – მთელ დარჩენილ სოცოცხლეს... ფრანჩესკა ჯონსონმა გაიცნო რობერტ კინკეიდი სრულიად შემთხვევით. მან უბრალოდ ჩაიარა მისი ფერმის გვერდით და ხიდისკენ მიმავალი გზა იკითხა, რომელიც უნდა ფირზე გადაეღო. ის გამოვიდა გზის საჩვენებლად, დაშორდნენ კი ისინი მხოლოდ ოთხი დღის შემდეგ, როდესაც ფრანჩესკას ქმარი და ორი ბავშვი უნდა ჩამოსულიყო სახლში. ამ მოკლე დროში ფოტოგრაფი და დიასახლისი ერთი მთელ და განუყოფელ ნაწილად იქცნენ. რობერტი თხოვდა მას წასულიყო მასთან ერთად, მაგრამ ფრანჩესკა კეთილშობილურად მოიქცა: ვერ მოაყენა ტკივილი თავის კეთილ მეუღლეს და მოზარდ–ბავშვებს...

სრულყოფილი სამყარო A Perfect World
წელი: 1993

'სრულყოფილი მსოფლიო' - გასატაცებელი, მოვლენებით აღსავსე საგა ადამიანზე, რომელსაც პოლიცია მოსდევს, რომელიც მიდის ტეხასის სასოფლო გზით თავისი სასტიკი ბედის შესახვედრათ. ფილმში ეჯახებიან ერთმანეთს კანონის სხვადასხვა მხარეს მდგარი კევინ კოსტნერის და კლინ ისტვუდის გმირები.

უპატიებელი Unforgiven
წელი: 1992

ისტორია მოგვითხრობს უილიამ მუნის შესახებ – ყოფილ დაუნდობელ მკვლელზე, რომელმაც შეძლო ამ ჭუჭყიანი პროფესიის მიტოვება. მუნი ფერმერი გახდა და დაოჯახდა. და, აი, ახლა მისი ცოლი კვდება და ტოვებს მას ორ ბავშთან ერთად... მუნი გაჭირვებულად ცხოვრობს, მას ფული სჭირდება... სკოფილდი კი მას ერთ სამსახურს შესთავაზებს – მან ორი კოვბოი უნდა დაიჭეროს, რომლებმაც დანაშაული ჩაიდინეს, რისთვისაც უილიამს ჯილდოს სახით ფულს გადასცემენ...

ჩიტი Bird
წელი: 1988 IMDB: 7.2

ჯაზის ერთ-ერთი გენიოსი ჩარლი პარკერი, 1920 წელს, კანზას-სითიში დაიბადა და 1955 წელს გარდაიცვალა. ალკოჰილით, ნარკოტიკებით, საჭმლით და სექსით ზედმეტმა გატაცებამ, ლეგენდარული საქსოფონისტის უდროო სიკვდილი გამოიწვია.

იმქვეყნიერი Hereafter
IMDB: 6.6

ფილმი სამი ადამიანის ისტორიაზეა - ფრანგ ჟურნალისტზე, რომელიც ცუნამის გადაურჩა, ამერიკელზე და ბრიტანელ სკოლის მოსწავლეზე, რომელსაც თავისი ტყუპისცალი ავტოკატასტროფაში დაეღუპა. ისინი ეძებენ ადამიანს, რომელიც გარდაცვლილებს ესაუბრება.