ატვირთვა
ავტორიზაცია რეგისტრაცია

კოლინ ფარელი

Colin Farrell

კოლინ ფარელი დაიბადა 1976 წელს 31 მაისს დუბლინში, ირლანდიაში. ის პროფესიონალი ფეხბურთელის იმონ ფარელის, რომელიც თამაშბდა კლუბში Shamrock Rovers და მისი ცოლის რიტას ოჯახში მეოთხე ბავშვი იყო. მოზარდი კოლინი განსხვავდებოდა ჭირვეული ხასიათით – სკოლაში სიარულის მაგივრად ერჩივნა მეგობრებთან ერთად ადგილობრივ ბარებში ჯდომა, მაარიხუანას ეწეოდა და მაღაზიებში ქურდობდა. ჩვიდმეტი წლის ასაკში ის სკოლიდან გააგდეს მასწავლებელთან ჩხუბის გამო, რომელმაც კოლინს გაკვეთილზე მძინარეს წაასწრო და ბოდიშის მაგივრად ნაცემი აღმოჩნდა. ამ ინციდენტის შემდეგ ის ერთი წლით წავიდა მეგობრებთან ერთად ავსტრალიაში.

დუბლინში დაბრუნების შემდეგ, ფარელმა უფროს ძმის რჩევით სამსახიობო ხელოვნების სკოლაში დაიწყო სიარული. 1996 წელს მისი დებიუტი შედგა კინოში – დრამაში 'The Disappearance of Finbar', თუმცა მისი როლი იმდენად უმნიშვნელო იყო, რომ ტიტრებშიც კი არ აღმოჩნდა. 1997 წელს კიდევ ერთ პატარა როლი შეასრულა დაბალბიუჯეტიან ფილმში 'Drinking Crude', შემდეგი წლის ზაფხულში კი ფარელმა ტელესერიალში 'Falling for a Dancer' მიიღო მონაწილეობა, რომლის მოქმედება 30–ნი წლების ირლანდიაში ვითარდებოდა. სიუჟეტის საფუძველშ გოგონას ისტორია იყო, რომელიც დაფეხმძიმდა მსახიობთან ხანმოკლე რომანის მერე და რეპუტაციის გადარჩენის მიზნით ცოლად გაყვა მამაკაცს, რომელიც არ უყვარდა.

მალე ფარელი, რომელიც ყოველთვის ზიზღით იყო განწყობილი ყველანაირი სასწავლო დაწესებულების მიმართ, სკოლაში მეცადინეობა მიატოვა და ფულს შოულობდა სარეკლამო რგოლებში გადაღებებით. სცენაზე უკვე პატარა გამოცდილების მქონე ფარელმა მონაწილეობა მიიღო პატარა ლონდონის თეატრის Donmar Warehouse დადგმაში. აუტსტი მოზარდის რიჩარდ ბელამდერის როლი იმით გახდა მნიშვნელოვანი ფარელისთვის, რომ მის დახმარებით მან კევინ სპეისი გაიცნო – მან შეამჩნია ახალგაზრდა მსახიობის თამაში და ურჩია პროდიუსერებს ფარელის მოწვევა თავის მომავალ ფილმში 'Ordinary Decent Criminal' ერთერთ მეორეხარისხოვან როლზე გადასაღებად.

1999 წელს შედგა ფარელის ეკრანებზე პირველი მნიშვნელოვანი გამოჩენა ტიმ როტის დებიუტში, ფსიქოლოგიურ თრილერში 'The War Zone', რომელშიც მთავარი როლები შეასრულა ტილდა სუინტონმა და რეი უინსტონმა. ამავე პერიოდში ფარელი აქტიურად იღებდა მონაწილეობას სატელევიზიო პროექტებში. 2000 წელს კევინ სპეისის პროტექციის დახმარებით ფარელმა მონაწილეობა მიიღო კრიმინალურ კომედიაში 'Ordinary Decent Criminal', სადაც ახალგაზრდა ბანდიტი ალეკის როლი ითამაშა. მსახიობების ძლიერი გუნდის მიუხედავად სურათმა საკმაოდ ნეგატიური შეფასებები მიიღო კრიტიკოსებისგან.

2000 წელს მსახიობმა წარმატებულად გაიარა სინჯები ჯოელ შუმახერის ანტისამხედრო ფილმზე 'Tigerland'. რიგითი ჯარისკაცის როლანდ ბოზას როლმა, მეამბოხე და დარწმუნებული პაციფისტის, ფარელის კინოკარიერის განვითარებაში მნიშვნელოვანი ოლი ითამაშა – მისმა თამაშმა კრიტიკოსების მხრიდან დადებითი შეფასება მიიღო, რაც მსახიობს ვარსკვლავურ მომავალს უწინასწარმეტყველებდა. ამის გარდა ის ბოსტონის და ლონდონის კინოკრიტიკოსებმა დააჯილდოვეს.

2001 წელს მან ვესტერნში 'American Outlaws' მიიღო მონაწილეობა, სჰემდეგ კვლავ სამხედრო დრამა მოყვება 'Hart's War', რომელშიც ბრიუს უილისთან ერთად ერთერთი მთავარი როლი ითამაშა, რისთვისაც შანხაის კინოფესტივალის პრემია მიიღო. ფარელის კარიერა ჩქარი ტემპებით მიდიოდა წინ – 2002 წელს მან მონაწილეობა მიიღო კიდევ ორ წარმატებულ სურათში. პირველში მან სამთავრობო აგენტის დენი უიტვერის როლი ითამაშა სტივენ სპილბერგის ფანტასტიურ თრილერში 'Minority Report', რომელიც ფილიპ დიკის მოტივებზე იყო გადაღებული.

ეს სურათი წლის ყველაზე მთავარ კინომოვლენად იქცა და მაყურებლების და კრიტიკოსების შორის უზარმაზარი პოპულარობა მოიპოვა. ფილმის ბოქსოფისმა 358 მილიონი დოლარი შეადგინა მსოფლიო კინოგაქირავებაში და უამრავი პრესტიჟული კინოჯილდო და ნომინაცია მიიღო. აგენტ უივერ ფარელის როლისთვის ნომინირებული იყო პრემია 'იმპერიაზე'. შემდეგ კიდევ ერთი როლი მოყვა ჯოელ შუმახერის სურათში 'Phone Booth', რომელშიც ფარელის გმირი სტიუ შეპარდი მანიაკის მიზანში აღმოჩნდება.

2003 წელი ფარელისთვის ყველაზე წარმატებული იყო შემოთავაზებული როლების რაოდენობის მხრიდან – ის ერთდროულად ხუთ პროექტში მონაწილეობდა.

2001 წლის ივლისს ფარელმა ცოლად მოიყვანა მსახიობი ამელი უორნერი, თმცა მათი ქორწინება ხანმოკლე აღმოჩნდა და ამავე წლის ნოემბერს წყვილი განქორწინდა. 1 სექტემბერს 2003 წელს კანადელმა მოდელმა კიმ ბროდნეივმა ფარელს ბავშვი გაუჩინა, რომელსაც ჯეიმსი დაარქვეს.

ვრცლად
ფილმოგრაფია
ლობსტერი The Lobster
წელი: 2015 IMDB: 7.7

სიყვარულის ისტორია, რომელიც ახლო მომავალში დისტოპიურ სამყაროში ხდება. მარტოხელა ადამიანებს საშინელ სასტუმროში აგზავნიან სადაც ისინი ვალდებულნი არიან იპოვონ წყვილი 45 დღეში. თუ ისინი ამას ვერ ახერხებენ მათ ცხოველად აქცევენ და ტყეში უშვებენ.

ნუგეში Solace
წელი: 2015 IMDB: 6.4

ფსბ-ს აგენტები ჯო და კეტრინი უცნაური მკვლელობების სერიას იძიებენ. ყველა დანაშაულს აერთიანებს რაღაც ზებუნებრივი. სერიული მკვლელი ყოველ ჯერზე ნაბიჯით წინაა საუკეთესო გამომძიებლებზე. აგენტები დახმარებისათვის სპეცსამსახურების ანალიტიკოს, პენსიაზე გასულ დოქტორ ჯონ კლენსის მიმართავენ, რათა ის დამნაშავის პოვნაში დაეხმაროს. ჯონი მალე ხვდება, რომ მისი მოწინააღმდეგე მასზე გაცილებით ჭკვიანია.

ზამთრის სიყვარულის ამბავი Winter’s Tale
წელი: 2014

ფილმში მოქმედება XIX საუკუნეში და დღევანდელ დროში ერთდრულად ვითარდება მანჰეტენზე. ქურდს პიტერ ლეიქს შეუყვარდება მომაკვდავი ბევერლი პენი, ახალგარზდა გოგონა, რომლის სახლი გაქურდა პიტერმა. მათი სიყვარული შეიძლება აღმოჩნდეს არა მარტო სუფთა გულწრფელი, არამედ უკანასკნელიც, ვინაიდან პიტერს დასდევს მოსაკლავად ადგილობრივი მაფია.

ერთით ნაკლები Dead Man Down
წელი: 2013 IMDB: 6.6

ისტორია კაცის, სახელად ვიქრორი, რომელიც არის ბანდის ლიდერი ნიუ–იორკში. ვიქტორი იყო დანაშაულის მოტივი, მაფიამ გაანადგურა მისი ოჯახი და ახლა მას წყურია შურისძიება. ის აღმოაჩენს საიდუმლო ბეატრის და სედუკესს, ამის გამო მას აშანტაჯებენ, მაგრამ გმირებს მხოლოდ ერთი მიზანი აქვთ ცხოვრებაში, შურისძიება, სწორედ ეს გამოიწვევს მათ სისხლიან კულმინაციას…

ეპიკი Epic
წელი: 2013 IMDB: 6.7

თქვენ არასოდეს დაფიქრებულხართ იმაზე რა შეიძლება ხდებოდეს თქვენს სახლს მიღმა, ერთ ჩეულებრივ ბაღში? ზუსტად აქ შეიძლება ჩქეფდეს ნამდვილი ცხოვრება თავისი ბოროტმოქმედებით, მამაცი ვაჟკაცებით, საიდუმლოებებითა და ჯადოქრობით. აღმოაჩინე ჯადოსნური სმყარო თქვენი წარმოსახვის მიღმა…

ყველაფრის გახსენება Total Recall
წელი: 2012 IMDB: 7.5

ის - ჩვეულებრივი სამშენებლო მუშაკია, მცხოვრები სადღაც ახალ აზიის პატარა მომავალის ქალაქის ბინაში. მიუხედავად იმისა, რომ საკუთარი ცხოვრება სავსებით აკმაყოფილებს, თუმცა რაიმე უფრო მეტის სურვილი არ ეშვება. ახალი შემაშფოთებელი შთაბეჭდილებების საჭიროების ძიებაში ის მოხვდება კომპანია “ყველაფრის გახსენების” ოფისში, რომლებიც ახდენენ კლიენტების მეხსირებაში ფანტაზიების იმპლანტაციას…

ამერიკელი გმირები American Outlaws
წელი: 2011

ამბავი ლეგენდარულ ყაჩაღებზე ამერიკიდან, მამაც ახალგაზრდა მეომრებზე, რომლებიც სახლში დაბრუნდნენ სამოქალაქო ომიდან და იძულებულები ხდებიან ძლევამოსილ სარკინისგზისო მაგნატებს გამოუცხადონ ვენდეტა. ახალგაზრდა ბიჭების შექმნილი დაჯგუფება ხდება ობიექტად უდიდესი ნადირობის ხალხზე, რომელსაც სათავეში ჩაუდგა განთქმული დეტექტივი პინკერტონი. ტადეუშ რეინსი, სარკინიგზისო ბარონი, ოკუპაცია გაუკეთა თავის მშობლიურ პატარა ქალაქს ლიბერტის იმ მიზნით, რომ ამ ქალაქის გავლით რელსები დადოს, მკვიდრი მაცხოვრებლების გაძევებაში კი მშობლიური ქალაქიდან მას ალან პინკერტონი ეხმარება... ჯესი და ფრენკი ჯეიმსებს არ შეეძლოთ ეს დაეშვათ, განსაკუთრებით, იმ ფაქტის ჩათვლით, რომ ისინი სამოქალაქეო ომიდან ახალი დაბრუნებულები არიან, სადაც წააგეს. ყოფილი თანამებრძოლეებიდან, ქალაქის მოსახლეობიდან ბანდა შექმნეს და იწყებენ საბოტაჟის შექმნას რკინიგზის მშენებლობაზე. ჯესი ოცნებობს თავის ქალაქში დაბრუნებას, სადაც მას საყვარელი ქალი ელოდება, ბანდაში კი კომფლიქტური სიტუაციები ჩნდება, რომლებიც ისეთივე სახიფათოა, როგორც პინკერტონი, შეიარაღებული კანონის ხელი...

გზა შინისაკენ The Way Back
წელი: 2010 IMDB: 8.8

1940 წელი. ექვსი პატიმრის ისტორია, რომლებიც ბანაკ "გულაგი"-დან გამოიპარნენ და ცდილობენ თავი დააღწიონ ტყვეობას.

შეშლილი გული Crazy Heart
წელი: 2009 IMDB: 7.3

ოდესღაც ბედ ბლეიკი ქანთრის ცნობილი მომღერალი იყო. გალოთებული ბედის ცხოვრების მატარებელმა თითქოს უკვე ჩაიარა... ახლა მას ყველაფრის შეცვლის უკანასკნელი შანსი აქვს - გახდეს ქანთრის ამომავალი ვარსკვლავის, ტომი სუიტის მასწავლებელი.

სორტირება Triage
წელი: 2009 IMDB: 6.5

ფილმი მოგვითხრობს ბოსნიაში ომის შესახებ. მთავარ როლს ასრულებს კოლინ ფარელი, რომელმაც სამხედრო ჟურნალისტის მარკ უოლშის როლი შეასრულა, რომელიც ტყვეობაში აღოჩნდა...

ექიმ პარნასის წარმოსახვა The Imaginarium of Doctor Parnassus
წელი: 2009 IMDB: 6.9

ექიმი პარანსი – ადამიანი, რომელსაც შეუძია სხვა ადამიანების ხილვების მართვა. მთელ მსოფლიოში მოგზაურობისას თავის დასთან ერთად, ის შოუს მაყურებლებს საშუალებას აძლევს ჯადოსნური სარკის დახმარებით რეალობის მიღმა გადავიდნენ, ეს ნიჭი პარნასმა ეშმაკისგან მიიღო...

სიამაყე და დიდება Pride and Glory
წელი: 2008 IMDB: 6.7

ნიუ–იორკელი პოლიციელი რეი სიკეთესა და კანონიერებაზეა აღზრდილი.. ბავშვობიდან იგი იზრდებოდა «იმსახურე და დაიცავი» სულისკვეთებით. იგი ყოველთვის ოცნებობდა პოლიციელი გამხდარიყო, მაგრამ ვერც კი წარმოიდგენდა,თუ რა ჯოჯოხეთში აღმოჩნდებოდა.. ერთხელ ქალაქში ოთხი პოლიციელის მკვლელობა მოხდება. ამ საქმის გამოძიება რეისთვის ღირსების საქმეა. გამოძიების დროს აღმოჩნდება, რომ მკვლელობაში მისი უფროსი ძმა არის გარეული. ყველაფერი ის, რისიც რეის სწამდა უცბად გაიფანტება..და ეხლა მან არჩევანი უნდა გააკეთოს კანონსა და ოჯახის ინტერესებს შორის...

შეეკითხეთ მტვერს Ask The Dust
წელი: 2006 IMDB: 5.7

ლამაზმანი-მექსიკელი კამილა ოცნებობს ცოლად წარმატებულ ამერიკელს გაყვეს. ის ნელნელა მიდის თავის მიზანთან, თან საჭირო ნაცნობებს იჩენს. ერთხელაც კამილა შეხვდება დამწყებ იტალიელ მწერალს, ემიგრანტს არტუროს.როგორც ყველა პატიოსან მამაკაცს, მას აქვს თავისი ”ჩონჩხი შიფონერში” ცისფერთვალება მიმზიდველი ქერა ქალის სახით. მაგრამ სიყვარული ქარიშხალივით უკვე შემოიჭრა კამილას გულში...

ალექსანდრე Alexander
წელი: 2004 IMDB: 5.4

გადაღებული სურათი მოგვითხრობს ხმაურიან ბრძოლებზე, სახელგანთქმულ გამარჯვებებზე და ბრძენ მმართველობაზე ალექსანდრე მაკედონელის, რომელიც 25 წლის იყო, როდესაც ნახევარი სამყარო დაიპყრო. რა ხდებოდა გამარჯვებული მმართველის სულში? როგორ გადიოდა მისი დღე-ღამეები? რა საიდუმლოს შეიცავს ალექსანდრეს და მის მეგობრის - სარდალი გეფესტიონის ურთიერთობა?

სახლი ქვეყნიერების დასასრულში A Home at the End of the World
წელი: 2004 IMDB: 6.6

როდესაც ქვეყნის დასასრული მოვა, მსოფლიოში ყველაფერი თავდაყირა დადგება: ყველაფერი იდუმალი გახდება ცნობილი, უხილავი კი ნათელი. მათ წინ იხსნება სიყვარულის სამკუთხედის ისტორია, რომელშიც ახალგაზრდა, გამოუცდელი, თანამედროვე უჟმურ სამყაროში გაზრდილი ახალგაზრდა ადამიანები, საბოლოოდ დაიბნენ თავის ვნებებში და სურვილებში. ვინ აჩვენებს მათ გამოსავალს? და არსებობს ის საერთოდ?

თავქარიანი Daredevil
წელი: 2003 IMDB: 5.4

ის ცხოვრობს მუდმივი ღამის სამყაროში, მაგრამ ეს სიბნელე ავსებულია ხმით და სურნელით, მისი გასინჯვა და ხელით შეხება შეიძლება. ადვოკატი მეტ მერდოკი ბრმაა, მაგრამ სხვა გძნობის ორგანოები მას უმუშავებს, როგოც სუპერმენს. დღისით მერდოკი დამცირებულებს იცავს სასამართლო დარბაზში, ღამით კი გარდაიქმნება, რომელიც ქუჩებში სიმართლიანობის აღდგენას ყველაზე რადიკალური მეთოდებით სცდილობს.

განხეთქილება Intermission
წელი: 2003

პროფესიონალმა ქურდმა ლეიფმა დაგეგმა ბანკის გაძარცვა და თანამზრახველების ძებნა დაიწყო. საკმაოდ მალე იპოვა კიდეც ისინი. ავტობუსის მძღოლი მიკა, ახლახანს გააგდეს სამუშაოდან, მისი მეგობარი კი, რომელიც სუპერმარკეტში მუშაობდა, თავის მეგობარ გოგონას დაშორდა...

ანგელოზთა ქალაქის სპეცნაზი S.W.A.T.
წელი: 2003

აშშ–ს პოლიციაში არსებობს უამრავი სახის სპეცნაზი, მაგრამ ყველაზე დამსახურებულად ითვლება განსაკუთრებული ქვედანაყოფი, რომლის რიგებშიც მოხვედრა სინამდვილეში უძნელესი გამოცდაა.ჯიმ სტრიტს ლოს–ანჟელესის პოლიციიდან ჩარიცხავენ განსხვავებული ქვედანაყოფის რიგებში... ისინი რთული დავალების შესრულებას შეუდგებიან

ტელეფონის ჯიხური Phone Booth
წელი: 2003

ერთმა ტელეფონის ზარმა ადამიანის სიცოცხლე შეიძლება შეცვალოს ან შეწყვიტოს კიდევაც... ფილმის მთავარი გმირი სტიუ შეფერდი სატელეფონო ჯიხურის ტყვე ხდება. როგორ მოიქცევით, თუ გაიგებთ, რომ ჯიხურში ტელეფონი რეკავს? ინსტინქტურად აიღებთ ყურმილს, იმის მიუხედავად, რომ ვიღაცას უბრალოდ შეეშალა ნომერი. სტიუსაც ეგონა, რომ ზარს აუცილებლად უნდა უპასუხოს, შედეგად კი საშინელი ფსიქოფატის თამაშში ხდება ჩათრეული. სტიუსთვის ყურმილის დადება და სიკვდილი ერთია...

ახალბედა The Recruit
წელი: 2003 IMDB: 6.5

ჯეიმს კლეიტონი სულაც არ ოცნებობდა ჯაშუშის კარიერაზე. მაგრამ სიმართლის გაგების ცდუნება თავისი მამის - საიდუმლო აგენტის იდუმალ გაუჩინარებაზე, აიძულებს მას სადაზვერვო სამსახურის წევრი გახდეს. პერსპექტიული დამწყები აგენტი შესანიშნავად უმკლავდება ტესტებს, მაგრამ დავალებები უფრო და უფრო ჩახლართულები ხდება. ყოველდღიური მოვლენები საიდუმლო შემოწმებით აღმოჩნდება, გმირის მასწავლებელი კი, ჯაშუში უოლტერ ბერკი უფრო დაჟინებით ანიშნებს მას: ირგვლივ მიმდინარე მოვლენები, სინამდვილეში შეიძლება სულ არ იყოს ის რაც ჩანს. სიტუაცია იძაბება ყოველ დღე, და ერთხელაც კლეიტონი გებულობს ამის მიზესს: ლენგლიში მოღალატეა და მან უნდა გაარკვიოს მისი ვინაობა. რა არის ეს, მორიგი ტესტი, თუ ნამდვილი დავალება?..

ჰარტის ომი Hart's War
წელი: 2002 IMDB: 6.2

ლეიტენანტი ტომი ჰარტი – სტუდენტი–იურისტია. მეორე მსოფლიო ომის დროს ის ოფიცერის თანაშემწე ხდება, ჩავარდება ტყვეობაში და აღმოჩნდება გერმანელების სამხედრო ტყვეების ბანაკში . იქ ის გაიცნობს პოლკოვნიკს უილიამ მაკნამარს. როდესაც პოლკოვნიკი გაიგებს, რომ ჰარტმა კანონები იცის, მაკნამარა დაავალებს მას შავკანიანი პატიმრის დაცვას სასამრთლოში, რომელსაც სხვა სამხედრო ტყვეს მკვლელობა ბრალდება. თუმცა სინამდვილეში მაკნამარას სასამართლო პროცესის გამოყენება სურს ბანაკადან გაქცევის საცდელად. ჰარტს კი რთული არჩევნის გაკეთება მოუწევს...

ვეფხვების ქვეყანა Tigerland
წელი: 2000

ახალწვეულთა ომისთვის მოსამზადებლად ვიეტნამში, აშშ- ში ააგეს ყველაზე სრულყოფილი ცენტრი. ეს ადგილია, რომელიც თავისი განსაკუთრებული კანონებით არსებობს, და ცუდი სახელი აქვს... ის ვინც კი იქ აღმოჩნდა, ნანობს იმის შესახებ, რომ საერთოდ დაიბადა. ეს ჯოჯოხეთური ფაბრიკაა, სადაც ახალგაზრდა ბიჭებს საბრძოლო მანქანებად, დაუნდობელ მკვლელებად აქცევენ, რომლებიც მზად არიან დაუფიქრებლად შეასრულონ ნებისიერი ბრძანება. ამ სისტემას თავისი, სასტიკი ზემოქმედების მეთოდები გააჩნია.