მერაბ კოკოჩაშვილი

• გამოშვება: 2007 წელი
• ჟანრი: ქართული
• რეჟისორი: მერაბ კოკოჩაშვილი

XVIII საუკუნის ბოლოს ოსმალეთის იმპერიის, საფრანგეთის, ინგლისისა და რუსეთის იმპერიების ინტერესები ევროპიდან ინდოეთისაკენ მიმავალ უმოკლეს მარშრუტზე – ეგვიპტეზე იკვეთება. ეგვიპტის მამლუქი ბეგები კი ეგვიპტის დამოუკიდებელი სახელმწიფოს შექმნას ცდილობენ. ეს ის პერიოდია, როცა მამლუქ ბეგთა იერარქიის უმაღლეს საფეხურს საქართველოდან გატაცებული, მონებად გაყიდული და შემდგომში აღზევებული პირები შეადგენენ. ქართული წარმოშობის ბეგების ნაწილი ოსმალთა იმპერიის მხარეზეა, ნაწილი კი დამოუკიდებელი ეგვიპტის შექმნისთვის იბრძვის. ამავე დროს, ისინი არც თავიანთ სამშობლოს ივიწყებენ.

• გამოშვება: 2005 წელი
• ჟანრი: კომედია , ქართული
• რეჟისორი: მერაბ კოკოჩაშვილი
• როლებში: დუტა სხირტლაძე / Duta Skhirtladze მედეა ჩახავა , ნანა მჭედლიძე , დიმიტრი ბათიაშვილი , თემურ კლდიაშვილი , ნანუკა ხუსკივაძე , ლევან წულაძე ,

ცხოვრებისეული ამბავი აბსურდული დასასრულით. კაცს გაუჭირდა და ღმერთს შეევედრა, მიშველეო. ღმერთმა ურჩია: ხელი გაანძრიე და გეშველებაო. კაცმა შეისმინა და ეშველა. ღმერთი დაფიქრდა და მიბაძა კაცს.

• გამოშვება: 2000 წელი
• ჟანრი: ქართული , დრამა
• რეჟისორი: მერაბ კოკოჩაშვილი
• როლებში: ზაზა პაპუაშვილი / Zaza Papuashvili ვასილ ბახტაძე , ნინო კობერიძე , დათო ხახიძე , თამარ მამულაშვილი , დავით დვალიშვილი , მარინე ჭიჭინაძე , გოგოლა კალანდაძე , კახი ხავსაძე , თამარ სხირტლაძე , ბექა ქავთარაძე , სოფიკო ჭიაურელი ,

ადრე დაქვრივებული ნიკა საბჭოთა კავშირის დაშლის შემდეგ წინაპართა სამემკვიდრეო მამულს დაიბრუნებს და იქ უნარშეზღუდული ბავშვებისთვის, ისეთებისთვის, როგორიც მისი ქალიშვილია, სკოლას მოაწყობს. სიყვარულსა და სიკეთეზე დაფუძნებული სკოლა მალე გასაოცარ შედეგს იძლევა, მაგრამ გლეხები, რომლებსაც მითვისებული ჰქონდათ ნიკას წინაპრების მამული, "იდიოტების" სოფლიდან გაძევებას მოითხოვენ. ნიკა იძულებული ხდება სკოლის დასაცავად ხელში იარაღი აიღოს.

• გამოშვება: 1976 წელი
• ჟანრი: ქართული , დრამა
• რეჟისორი: მერაბ კოკოჩაშვილი
• როლებში: გრიგოლ ტყაბლაძე გურამ გეგეშიძე , ზურაბ ცერაძე , ილია ბაკაკური , ზურაბ ქაფიანიძე , დოდო აბაშიძე , მზია მაღლაკელიძე , ლია კაპანაძე ,

მწყემსი სოსანა მთელ დღეებს ნახირში ატარებს ველზე. სოფლიდან ცოლ-შვილსაც ჩამოიყვანს. სურს შვილს მწყემსური ცხოვრება შეაყვაროს. გეოლოგები ველზე ნავთობს აღმოაჩენენ. იქ, სადაც ნახირი ძოვს, ჭაბურღილები უნდა აღიმართოს. კოლმეურნეობა მოითხოვს, სოსანამ ჯოგი ფერმას ჩააბაროს. სოსანას პირადი ცხოვრებაც აერევა, ცოლი მიატოვებს. მწყემსი ცვლილებებს ვერ ეგუება, სურს წინაპართა წესით იცხოვროს და მათ სიახლოვეს დაიმარხოს. აღარც ცოლ-შვილი, აღარც საქონელი... სოსანა დათოვლილ ველზე დაკარგულ ნახირს დაეძებს.

• გამოშვება: 1976 წელი
• ჟანრი: ქართული , დრამა
• რეჟისორი: მერაბ კოკოჩაშვილი
• როლებში: გიორგი ერხანი გოგი ახვლედიანი , ემე აგასილდი , ალბერტ სელგი , მერაბ კოკოჩაშვილი , დავით ჩუბინიშვილი , დიმიტრი დანგაძე , დოდო აბაშიძე ,

ქართველი და უცხოელი ალპინისტები მწვერვალს ლაშქრავენ. სპორტსმენებს ამინდი არ სწყალობს. თოვლიან ტრასაზე ექსტრემალური სიტუაცია იქმნება, ყოველი ნაბიჯი საფრთხეს შეიცავს. პროფესიონალიზმი, სიმტკიცე, ერთმანეთის გატანისა და თანადგომის უნარი ფიზიკურ შესაძლებლობაზე მეტად ფასობს. სტიქიასთან ბრძოლაში ინგლისელი ალპინისტი იღუპება.

• გამოშვება: 1973 წელი
• ჟანრი: ქართული , დრამა
• რეჟისორი: მერაბ კოკოჩაშვილი
• როლებში: გოგი შენგელია სლავა სტეპანენკო , კოწო ამაშუკელი , რეზო ჭეიშვილი , ნანა ქავთარაძე , ნანი ჩიქვინაძე , სანდრო ერისთავი , გია იაშვილი ,

გადაღებულია ნოდარ დუმბაძის რომან "ნუ გეშინია, დედას" მიხედვით

ფილმი მესაზღვრეთა ხიფათიან ცხოვრებას ასახავს. ავთანდილ ჯაყელი სავალდებულო სამხედრო სამსახურს საზღვრისპირა სოფელში იხდის. ხშირად იგონებს დედ-მამას, მეგობრებს, მეზობელ გოგონას, დადუნას... მასზე ძლიერ იმოქმედებს მეგობარი ჯარისკაცის, შჩერბინას დაღუპვა. თბილისში შვებულებით ჩამოსულ ჯაყელს დადუნა თავის მეგობრებთან დაპატიჟებს. ჯაყელს აღიზიანებს ამ ახალგაზრდების უდარდელობა. იგი მათ ჯარისკაც შჩერბინას დაღუპვის წინ დაწერილ წერილს წაუკითხავს და ჩააფიქრებს. ავთანდილი შვებულების დამთავრებისთანავე ნაწილში დაბრუნდება და სავალდებულო სამსახურს გააგრძელებს.