ატვირთვა
ავტორიზაცია რეგისტრაცია

გიორგი გელოვანი

ფილმოგრაფია
მზე შემოდგომისა Sun of Autumn
წელი: 1973

ვახტანგი ნიჭიერი მხატვარია, მაგრამ ოჯახის კეთილდღეობაზე ზრუნვა აიძულებს ნიჭი ყვავილების უგემოვნო ასლების ხატვას შეალიოს. ვახტანგის მეუღლე ეკა ქმრის მივლინებაში ყოფნით ისარგებლებს, კეთილმოწყობილ ბინას სასწრაფოდ გადაცვლის ძველ ბინაზე ორთაჭალის კოლორიტულ უბანში და დაბრუნებულ მეუღლეს შემოქმედებითი მუშაობისთვის იდეალურ პირობებს დაახვედრებს. გაოგნებული ვახტანგი აღიარებს, რომ ახლა შემოქმედებაში ხელს აღარაფერი შეუშლის.

მაცი ხვიტია
წელი: 1966

გადაღებულია ანტონ ფურცელაძის ამავე სახელწოდების რომანის მიხედვით.
სახალხო დღესასწაულზე მაცი ხვიტიას მოხდენილი ჯირითით მოხიბლული დედოფალი გურანდუხტი მას თავის ამალაში სამსახურს შესთავაზებს. მაცი უარს იტყვის და იმავე ღამეს დედოფლის ბრძანებით თურქეთში გასაყიდად მოტაცებულ გოგონებს, მათ შორის თავის სატრფოს, ეკას გაათავისუფლებს. ტყვეებით ვაჭრობის წინააღმდეგ მებრძოლი მაცი გურანდუხტის რისხვას არაერთხელ დაიმსახურებს. იგი თავისი რაზმით თურქეთისკენ მიმავალ ტყვეებით სავსე გემს თავს დაესხმის და ტყვეებს გაათავისუფლებს, შემდეგ კი ეკასთან ერთად გეზს თავისუფალი სვანეთისკენ აიღებს, სადაც საფრთხე აღარ დაემუქრებათ. გურანდუხტის მდევრები გაქცეულებს წამოეწევიან და დახოცავენ.

არდადეგებზე On a Holidays
წელი: 1962

საზაფხულო არდადეგების გასატარებლად რეზო და დარო მამას სოფელში ჩაყავს. და-ძმას სოფლის ბავშვებთან თამაში და გართობა უნდა, მაგრამ მამა შვილებს მკაცრ რეჟიმს უწესებს და აიძულებს მთელი დღე მეცადინეობაში გაატარონ. და-ძმაზე მეტად რეჟიმის დაცვა მამას უჭირს. ასე გრძელდება, სანამ ბავშვები არ აჯანყდებიან...