ატვირთვა
ავტორიზაცია რეგისტრაცია

ზურა ბეგალიშვილი

ფილმოგრაფია
რენე მიდის ჰოლივუდში Rene Goes to Hollywood
წელი: 2011

ოცდაათს გადაცილებული რენე დადიანი, რომელსაც გაცვეთილი ქურთუკი აცვია და დაბნეული, ნერვული მზერა აქვს, რჩევისთვის ექიმთან მიდის. არა, თავიდანვე აფრთხილებს, ის აქ არ მოსულა, როგორც პაციენტი. მხოლოდ ერთი კითხვა აწვალებს: როგორ შეცვალოს საკუთარი ცნობიერება წარმოსახვის გასაუმჯობესებლად? "ამისთვის ფსიქოანალიზის მხოლოდ ერთი ფორმა არსებობს", პასუხობს ექიმი, "ამ შემთხვევაში გონება მხოლოდ ხელს უშლის ადამიანს. დაივიწყე რეალობა და ფიქრი სასურველისკენ მიმართე". რენე, კინოსკოლის ლექტორი, ამ თეორიის განხორციელებას იწყებს.

ქუჩის დღეები Street Days
წელი: 2010

ფილმის მთავარი გმირი, 45 წლის თბილისელი ნარკომანი, თავისი ცხოვრების ყველაზე მნიშვნელოვანი არჩევანის წინაშე დგას. კორუმპირებული პოლიციელები მისგან მეგობრის შვილის, 16 წლის ბიჭის ჩაშვებას ითხოვენ. თუ იგი დათანხმდება, პოლიციელები მას წამლით და ფულით დაასაჩუქრებენ. თუ უარს ეტყვის, მას 10 წლით გაუშვებენ ციხეში და ამით მისი ცხოვრება პრაქტიკულად დასრულდება.

ორფეოსის სიკვდილი
წელი: 1996

ფილმში გამოყენებულია ჰერმან ჰესეს და ვლადიმერ ნაბოკოვის ნაწარმოებების ზოგიერთი მოტივი





საბჭოთა კავშირის რღვევის პერიოდი. ქუჩის მიტინგები, ეგზალტირებული საზოგადოება. ენტომოლოგ ვახტანგ ინტრიელის განსხვავებული შეხედულებები ბევრს აღიზიანებს, პრესა "მოღალატეს, კოსმოპოლიტს, ეროვნული იდეების მოწინააღმდეგეს" უწოდებს... ვახტანგი ქუჩაში ქალს გამოექომაგება. ნინო კახპაა და ნარკომანი. ვახტანგი ცდილობს ქალი შავ სამყაროს ჩამოაცილოს, მაგრამ მოძალადეები ჩაუსაფრდებიან და სცემენ. ნინო ვახტანგის დაცვას შეეცდება, მას ბრმა ტყვია იმსხვერპლებს. კვდება ვახტანგ ინტრიელიც, რომელმაც ძალადობისგან ვერც თავი დაიცვა და ვერც საყვარელი ქალი.