ატვირთვა
ავტორიზაცია რეგისტრაცია

ნესტან ლონდარიძე: "მიზანმიმართულად ხდებოდა რეალური სურათის დაფარვა"

გაზიარება შექმენი ლუპი
16 დღის წინ
80
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„მან პირველი დღიდანვე იცოდა სრული სიმართლე, რა მოხდა სინამდვილეში. პირველად გუშინ გაუჩნდა ამ ადამიანს რწმენა, რომ შესაძლებელი იყო სიმართლისთვის მიეღწია“, - ამბობს რადიო თავისუფლების ეთერში „ადამიანის უფლებათა ცენტრის“ იურისტი, ნესტან ლონდარიძე თავისი დაცვის ქვეშ მყოფ ზაზა სარალიძეზე.

„ძალიან მნიშვნელოვანი იყო გუშინდელი გადაწყვეტილება. ბოლო დროს ყოველთვის ვამახვილებდით ყურადღებას იმაზე, რომ სასამართლო იყო ის ერთადერთი ბერკეტი, რომელიც შეიძლებოდა ამოქმედებულიყო და პროკურატურისთვის მიეთითებინა, ეიძულებინა იგი გადაედგა ქმედითი ნაბიჯები. სწორედ ეს ფუნქცია აიღო გუშინ სასამართლომ და გვაჩვენა, რომ არის დამოუკიდებელი და მიუკერძოებელი. არ მოექცა პროკურატურის გავლენის ქვეშ და დაანახა მას მთელი მისი ქმედებები მიმართული იქითკენ, რომ დამდგარიყო ის შედეგები, რაც დადგა“.

ასე აფასებს ნესტან ლონდარიძე სააპელაციო სასამართლოს 3 ივნისის გადაწყვეტილებას და განმარტავს, რომ სასამართლო ამაზე მეტს ვერ გააკეთებდა:

„სასამართლო ვერ გაცდებოდა ბრალდების არსს. ის ვერ შემოიყვანდა სხვა პირს საქმეში. ერთადერთი გადაწყვეტილება იყო ის, რაც მას შეეძლო მიეღო. მან მიუთითა, რომ დანაშაული იყო ჩადენილი ჯგუფურად, სხვა პირთან ერთად. ანუ, შემოიყვანა სხვა პირის განსაზღვრება საქმეში“.

მაჩვენე მეტი