ატვირთვა
ავტორიზაცია რეგისტრაცია

სამეთაურო-საშტაბო სწავლება „უჯარმა-2019“ დასრულდა

გაზიარება შექმენი ლუპი
აპრილი 21, 2019
64
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

სამეთაურო-საშტაბო სწავლება „უჯარმა-2019“ დასრულდა

ოთხდღიანი საველე სამეთაურო-საშტაბო სწავლება „უჯარმა-2019“ დასახლებულ პუნქტ პალდოს მიმდებარედ დღეს დასრულდა. დასკვნით სწავლებას ეროვნული გვარდიის მეთაური, პოლკოვნიკი ირაკლი ჭუმბურიძე და მისი მოადგილე, პოლკოვნიკი კობა ახვლედიანი დაესწრნენ. სწავლების ხელმძღვანელისგან მათ პირადად მოისმინეს „უჯარმა 2019“-ის შესახებ დეტალური ინფორმაცია და სწავლება დადებითად შეაფასეს.

ეროვნული გვარდიის მიერ ორგანიზებული სწავლება საქართველოს მასშტაბით, პარალელურად, სამ ადგილას მიმდინარეობდა. მასში ეროვნული გვარდიის შტაბთან ერთად მე-10 და მე-20 კადრირებული ბრიგადები მონაწილეობდა.
სწავლების მიზანი ოპერატიულ და ტაქტიკურ დონეზე სამეთაურო-საშტაბო სწავლების ჩატარება, საგანგებო და საომარი სიტუაციების დროს ეროვნული გვარდიის შტაბისა და დაქვემდებარებული ქვედანაყოფების ურთიერთქმედების დახვეწა და სტრატეგიული მნიშვნელობის სახმელეთო მარშუტების დაცვის ამოცანის შესრულება იყო.

მაჩვენე მეტი