ატვირთვა
ავტორიზაცია რეგისტრაცია

ზაალ კაპანაძე რეაბილიტაციის ახალი ცენტრის მშენებლობის პროცესს გაეცნო

გაზიარება შექმენი ლუპი
აპრილი 15, 2019
46
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

წეროვანში მარო მაყაშვილის სახელობის რეაბილიტაციის ცენტრის ტერიტორიაზე დაჭრილი და დაშავებული სამხედრო მოსამსახურეებისთვის ახალი სარეაბილიტაციო კომპლექსის მშენებლობა მიმდინარეობს. დღეს საქართველოს თავდაცვის მინისტრის მოადგილემ ზაალ კაპანაძემ 2200 მ2 ფართობის ახალი კომპლექსის მშენებლობის პროცესი ადგილზე დაათვალიერა და მიმდინარე სამუშაოების შესახებ ინფორმაცია ამერიკული მხარის და სამშენებლო კომპანიის წარმომადგენლებისგან მიიღო.

ამჟამად ახალი კომპლექსის სამშენებლო სამუშაოების თითქმის ნახევარი შესრულებულია და რკინის კონსტრუქციების მონტაჟი მიმდინარეობს. ახალი ინფრასტრუქტურის მოწყობა ამერიკის შეერთებული შტატების მთავრობასა და საქართველოს თავდაცვის სამინისტროს შორის, 2013 წლის 31 ოქტომბრის „Letter of Offer and Acceptance GG-B-HAA“-ხელშეკრულებაში 2015 წლის 23 ივნისსა და 2017 წლის 16 იანვარს შეტანილი ცვლილებების საფუძველზე ხორციელდება. კომპლექსი აშშ-ის არმიის ინჟინერთა კორპუსისა და თავდაცვის სფეროში თანამშრომლობის ოფისის (ODC) მხარდაჭერით დაპროექტდა. მშენებლობა კომპანია შპს LCONS-ის, აშშ-ის საგარეო სამხედრო დაფინანსებით (Foreign Military Financing - FMF) და ამერიკის შეერთებული შტატების არმიის ინჟინერთა კორპუსის წარმომადგენლების უშუალო ხელმძღვანელობით ხორციელდება.

სამშენებლო სამუშაოების დათვალიერების შემდეგ თავდაცვის მინისტრის მოადგილე სარეაბილიტაციო ცენტრში ეტლით მოსარგებლე დაჭრილი სამხედრო მოსამსახურეებისთვის სპეციალურად დამონტაჟებული პლათფორმის (ლიფტის) მუშაობის პროცესსაც გაეცნო.

რეაბილიტაციის ცენტრში ვიზიტის ფარგლებში, ზაალ კაპანაძე დაჭრილი და დაშავებული სამხედრო მოსამსახურეებით დაკომპლექტებულ 12-კაციან ნაკრებს შეხვდა, რომელიც აშშ-ში, კალიფორნიაში, პენდელტონის საზღვაო ქვეითთა ბაზაზე გამართული „საზღვაო ქვეითთა თამაშებიდან“ სამშობლოში 38 მედლით დაბრუნდა. თავდაცვის უწყების ხელმძღვანელის მოადგილემ დაჭრილ და დაშავებულ სამხედრო მოსამსახურეთა პარაკალათბურთის გუნდს საჩუქრად ის ორი ეტლი გადასცა, რომელიც დაჭრილ მებრძოლთა მხარდაჭერის ფონდმა სამხედროებისთვის შეიძინა.

წეროვანში ვიზიტის დასასრულს ზაალ კაპანაძე საერთაშორისო მისიებსა და 2008 წლის აგვისტოს ომში დაჭრილი და დაშავებულ 17 სამხედროს მიესალმა, რომლებიც დღეიდან ფიზიკური და ფსიქოლოგიური რეაბილიტაციის კურსს წეროვანში 12 დღის განმავლობაში გაივლიან.

მაჩვენე მეტი