https://www.myvideo.ge/?user_id=1423240Sat, 02 May 2026 03:44:08 +00002301943https://www.myvideo.ge/v/2301943 არავის არ სურს უნებლიე თვითმკვლელობის მსხვერპლი გახდეს, მაგრამ...მაგრამ მაინც ცუდისკენ იხრებიან. სიტყვა „ცუდი“ სათანადოდ ვერ გამოხატავს ყოველივე იმას, რაც ნარკოტიკის მომხმარებელს შემდგომ ემართება. სიცოცხლე არის ბედნიერება... ბედნიერება ცხოვრებით ტკბობისა... ბედნიერება მზის დანახვის... ბედნიერება სიყვარულის განცდისა... ბედნიერება „რაღაცის“ შექმნისა და ბედნიერება, რომ გახდი ღირსი... დაუმსახურებლად გერქვას ადამიანი! როდესაც ვიღვიძებ და ვხედავ სამყაროს, როდესაც ვგრძნობ, როგორ ივსება ფილტვები ჰაერით, მაშინ ვხვდები, თუ რა ტკბილია ცხოვრება თავისი ავითა და კარგით. ბევრი ადამიანი სწორედ წინააღმდეგობის გამო ამბობს უარს ღვთისგან ბოძებულ სიცოცხლეზე. ცხოვრება კი მხოლოდ მაშინაა ლამაზი, როდესაც იგემებ წუთისოფლის სირთულეს, როდესაც ბრძოლისგან დაღლილი სწვდები ბედნიერებას. ჩემი აზრით, ნარკომანია არ არის მხოლოდ უნებლიე თვითმკვლელობა, ის გაცილებით უარესი უბედურებაა, ვიდრე წარმოგვიდგენია. ნარკოტიკი-ეს არის ერთგვარი „გარე სამყარო“, რომელშიც შეგვიძლია ვიყოთ ბედნიერები... ვიყოთ უწონად მდგომარეობაში და გავექცეთ რეალურს . როდესაც კაცი სასოწარკვეთილია, ზემოთ ხსენებული „გარე სამყარო“ ნამდვილი ზენიტია ბედნიერებისა, ტკივილისგან გაქცევა კი სიცოცხლის უარყოფაა, ღვთის უარყოფაა... როდესაც ადამიანი დაუმსახურებლად იღებს რაიმე სიკეთეს და ბედნიერია, არ სვამს აქამდე მრავალგზის დასმულ კითხვას:“რატომ მაინცდამაინც მე?“ არ აინტერესებს არაფერი და ლაღად შესცქერის სამყაროს... მაგრამ როგორც კი რამე წინააღმდეგობას შეეჯახება უკანმოუხედავად გარბის... გარბის რეალობიდან. განა ეკლებიანი ბილიკის შემდეგ, რომელსაც ღირსეულად გაივლი, მეტი ტკბობა არ გელოდება?! თუმცა ადამიანები ცოდვის შვილები ვართ! უნდა გვახსოვდეს, რომ ყოველი დღევანდელი დღე არის მომავლის გარანტი. საკუთარ თავს დავუსვათ კითხვა, რატომ გავჩერდით, როცა შეგვეძლო?.. ყოველი დაკარგული წუთი ხომ ძვირფასია?! ამიტომაც ვიჩქაროთ, ვიჩქაროთ სიცოცხლის გადასაჩენად! 13968746451423240https://thumbs01.myvideo.ge/231/2301943.jpghttp://embed.myvideo.ge/flv_player/player.php?video_id=2301943.mp42301895https://www.myvideo.ge/v/2301895 „არა ნარკოტიკს, ერთად შევცვალოთ დამოკიდებულება!“ ნარკოტიკს ძალიან დიდი ხნის ისტორია აქვს. ძველი ეგვიპტელები მას ფართოდ იყენებდნენ მედიცინაში და რელიგიურ რიტუალებში. დელფოსის ორაკულიც ნარკოტიკის ზემოქმედების ქვეშ იყო, როცა მეფე ლეონიდეს რჩევა მისცა. თრიაქს ანუ ოპიუმს მეფეები და დიდებულები მოიხმარდნენ. შუმერულ ნახატებზე, მეფეების გვერდით, გამოსახულია უცნაური ნივთი. ეს არის ძველებური ჩიბუხი, რომელშიც იწვოდა ნარკოტიკი. მედიცინაში მას ტკივილგამაყუჩებლის ფუნქცია გააჩნია. დღეს ნარკოტიკი გასცდა ძველ საზღვრებს. მას ჭარბად მოიხმარენ. ნარკოტიკი აზიანებს ნერვულ სისტემას. აზიანებს ნერვულ დაბოლოებებს, რომელთა აღდგენა უკვე ვეღარ ხერხდება. ადამიანი, ნარკოტიკს სიამოვნებისთვის მოიხმარს თუმცა ის ვერც კი ხვდება,თუ როგორ იზიანებს ჯანმრთელობას. თავიდან, როცა ადამიანი ნარკოტიკის მოხმარებას იწყებს, თავის თავს ვნებს, მაგრამ შემდგომში ადვილი მოსალოდნელია გარშემო მყოფებისთვის და მთელი საზოგადოებისთვისაც აღმოჩნდეს საშიში. ნარკომანობა დანაშაულია არა მარტო საკუთარი თავის, არამედ საზოგადოების წინაშე. ჩვენ უნდა ვიზრუნოთ ამ სენით დაავადებულ ადამიანებზე. მათ სჭირდებათ მზრუნველობა. უნდა დავუმტკიცოთ, რომ „ჯოჯოხეთის სარკმლიდან დანახული სამოთხე“ მათ კეთილს არ მოუტანს. მათი დახმარებისა და რეაბილიტაციის საქმეში უნდა ჩავრთოთ ეკლესია. უნდა ვუთხრათ, რომ ისინი დამნაშავეები კი არა, დაავადებულები არიან. და მათი განკურნება შესაძლებელია. დავეხმაროთ მათ ნებისყოფისა და თავშეკავებულობის უნარის გაძლიერებაში. ნარკომანია XXI საუკუნის შავი ჭირია. ჩვენ არ უნდა მივცეთ ამ შავ ჭირს კაცობრიობის განადგურების უფლება. ჩვენ უნდა გავანადგუროთ ნარკოტიკი და არა ნარკომომხმარებლები. ვუთხრათ არა - ნარკოტიკს და გავიგრძელოთ ამქვეყნად ცხოვრების დრო. უფალმა დაიცვას ყოველი ადამიანი და გააძლიეროს ნარკომანები ამ მძიმე სენის დაძლევაში. დასასრულს მინდა მივმართო მთელ საზოგადოებას, რომ მოვაწყოთ აქციები დევიზით, ,,არა ნარკოტიკს“. ჩავატაროთ დისკუსიები და შეხვედრები ნარკო მომხმარებლებთან და ჯანსაღი ცხოვრების წესს დაბრუნებულ ადამიანებთან. შევხვდეთ სპეციალისტებს და მოვისმინოთ მათი რჩევები. ბაქარ ნადარაი13968710541423240https://thumbs01.myvideo.ge/231/2301895.jpghttp://embed.myvideo.ge/flv_player/player.php?video_id=2301895.mp4