უკრაინელი დეპუტატი, "რადიკალური პარტიის" წევრი იგორ მოსიჩუკი საქართველოს ყოფილ პრეზიდენტს მიხეილ სააკაშვილს ყავარჯნით დაესხა თავს. შემთხვევა უკრაინული ტელეარხ NewsOne-ის ეთერში, გადაცემა "უკრაინული ფორმატის" ჩაწერის დროს მოხდა. იგორ მოსიჩუკმა ჰკითხა სააკაშვილს, უჭერს თუ არა ის მხარს უკრაინელი ნაციონალისტების ლიდერ სტეპან ბანდერას, რაზეც სააკაშვილმა უპასუხა, რომ "უკრაინას უჭერს მხარს". "ბანდერა რომ ცოცხალი ყოფილიყო, პირველ რიგში ის კორუფციონერებს გაანადგურებდა", - განაცხადა სააკაშვილმა. მოსიჩუკმა საქართველოს ყოფილი პრეზიდენტი კორუფციაში დაადანაშაულა და ყავარჯნით ხელში მასთან მისვლა სცადა. "თქვენ კორუფციონერი ხართ. საქართველოში კორუფციით იყავით დაკავებული და ამის გამო თქვენ გდევნიან", - განაცხადა "რადიკალური პარტიის" წევრმა. სააკაშვილთან მისვლაში ხელი მას გადაცემის წამყვანმა შეუშალა.
ხმაურიანი დაპირისპირება უკრაინულ ტელეარხ NEWSONE-ის თოქ-შოუში, სადაც ერთმანეთს უკრაინის რადას დეპუტატი ვადიმ რაბინოვიჩი და ოდესის ოლქის ყოფილი გუბერნატორი მიხეილ სააკაშვილი დაუპირისპირდნენ. რაბინოვიჩმა სააკაშვილს ჰალსტუხი მიუტანა და უთხრა, რომ შეეჭამა. ამით მან 2008 წლის მოვლენების დროს ის ცნობილი შემთხვევა შეახსენა, როდესაც გავრცელდა კადრები, თუ როგორ ღეჭავდა ჰალსტუხს მიხეილ სააკაშვილი. რაბინოვიჩმა განაცხადა, რომ სააკაშვილს საქართველოში მინიმუმ 3 ადამიანის მკვლელობის საქმეს ედავებიან, ასევე შეახსენა ტელეკომპანია იმედში, 2007 წელს შეჭრილი სპეცრაზმი და ბიზნესმენებისთვის ქონებების წართმევის ფაქტები, რასაც სააკაშვილმა უპასუხა, რომ ეს არის რუსული სტილი ხოლო თავად რაბინოვიჩი რუსი ოლიგარქი.
საქართველოს პრეზიდენტის დაკავება "მოამბის" ეთერში - რა მოხდა ცნობილ ამერიკულ შოუში. Veep HBO-ის სერიალია, რომლის ერთ-ერთი სერია საქართველოს მიეძღვნა. ეპიზოდში ასახულია პრეზიდენტის დაკავების სცენა, რომელიც "მოამბის" პირდაპირ ეთერში გადაიცემა.
თბილისის მერმა კახა კალაძემ დედაქალაქის რაიონების გამგებლობის კანდიდატები წარადგინა. საბურთალოს რაიონის გამგებლობის კანდიდატი - გაიოზ ვასაძე იქნება, მთაწმინდის რაიონის გამგებლობის კანდიდატი - დავით კირკიტაძე, კრწანისის რაიონის გამგებლობის კანდიდატი - ლევან ჯაფარიძე, ვაკის რაიონის გამგებლობის კანდიდატი - ნოდარ ტურძელაძე, დიდუბის რაიონის გამგებლობის კანდიდატი - ირმა ზავრადაშვილი, ჩუღურეთის რაიონის გამგებლობის კანდიდატი - ზურაბ ჩიკვილაძე, გლდანის რაიონის გამგებლობის კანდიდატი - ბექა მიქაუტაძე, ნაძალადევის რაიონის გამგებლობის კანდიდატი - ირაკლი ხელაძე, ისნის რაიონის გამგებლობის კანდიდატი - კახა ლაბუჩიძე, სამგორის რაიონის გამგებლობის კანდიდატი - დავით კერესელიძე. თბილისის მერის მიერ წარდგენილი კანდიდატურები საკრებულოს გადაეგზავნება. კახა კალაძემ კანდიდატებს მომავალ საქმიანობაში სრული მხარდაჭერა გამოუცხადა და წარმატებები უსურვა.
ხმაური პარლამენტის დარგობრივი ეკონომიკის კომიტეტის სხდომაზე. სხდომაზე საზოგადოებრივი მაუწყებლის შესახებ კანონში ცვლილებებს განიხილავენ. მაუწყებელი კომერციული რეკლამის განთავსების უფლებას ითხოვს, რასაც კერძო ტელეკომპანიების გარდა, უმრავლესობაც ეწინააღმდეგება. სხდომაზე საზოგადოებრივი მაუწყებლის ახალი და მიმდინარე ამბების ბლოკის დირექტორს, გიორგი გვიმრაძესა და უმრავლესობის წარმომადგენელს, ლევან კობერიძეს შორის შელაპარაკებაც მოხდა.
თბილისის მერმა კახა კალაძემ ახალი გუნდი წარადგინა. ვიცე მერის პოსტს დაიკავებს ირაკლი ხმალაძე, რომელიმც მანამდე ენერგეტიკის სამინისტროში მუშაობდა. მაია ბითაძე იქნება კახა კალაძის მოადგილე. მერის მოადგილის თანამდებობაზე რჩება გიგა ნიკოლეიშვილი. რაც შეეხება ირაკლი ბენდელიანს, კახა კალაძის განცხადებით, ის ასევე მერის მოადგილის პოსტს დაიკავებს. კალაძის განცხადებით, მეხუთე მოადგილე იქნება ილია ელოშვილი, რომელიც სამინისტროების ოპტიმიზაციის დასრულების შემდეგ შეუერთდება გუნდს.
„არ მაინტერესებს, რას ფიქრობენ ისინი,“- ასე უპასუხა თბილისის არჩეულმა მერმა, კახა კალაძემ „სითი პარკის“ წარმომადგენლებს, რომლებიც მანამდე კალაძის იმ განცხადებას გამოეხმაურნენ, რომლის მიხედვით, ის კომპანიის წინააღმდეგ სამართლებრივი ბრძოლის დაწყებას გეგმავს. კომპანიაში აცხადებენ, რომ ახალი მერი შეცდომაშია შეყვანილი და სამართლებრივი კუთხით მათი საქმიანობა არა ერთხელ იქნა შესწავლილი. კახა კალაძემ კი კიდევ ერთხელ დაადასტურა, რომ „სითი პარკის“ საქმიანობის სამართლებრივი მხარე აუცილებლად იქნება შესწავლილი. „სიახლე არაფერი მითქვამს. ამას ვამბობდი წინასაარჩევნოდ და ვიმეორებ ახლაც, შესაბამისად, სამართლებრივი გზით მიდგომები იქნება,“ - აღნიშნა კალაძემ.
ანტიოლიგარქიული რევოლუციის მეგაჰიტი - ასე ეწოდება ჰიმნს, რომელიც მიხეილ სააკაშვილმა თავის სოციალურ ქსელში გამოაქვეყნა. სააკაშვილი თავისი პარტიის წევრებთან და მხარდამჭერებთან ერთად თავად ასრულებს ამ ჰიმნს.
ტელეწამყვანი ინგა გრიგოლია "გაერთიანებული დემოკრატიული მოძრაობის" ლიდერს ნინო ბურჯანაძეს რუსეთში ვიზიტის შესახებ ესაუბრა.
სპეცდანიშნულების რაზმი სააკაშვილის ექსტრადირებისთვის ემზადება ! - აღნიშნული ინფორმაციას ,,ქრონიკა+“-ის რედაქტორი ელისო კილაძე ავრცელებს.
ისრაელის პრემიერ-მინისტრის შთამბეჭდავი გამოსვლა გაეროს ასამბლეაზე მსოფლიო მედიის ყურადღების ცენტრში მოექცა. გენერალური ასამბლეის წევრებისადმი მიმართვა პრემიერმა გაბრაზებული ტონით დაიწყო და განაცხადა: "ირანს სურს, გაანადგუროს ჩემი ქვეყანა, დახოცოს ჩემი ხალხი და მის ამ მცდელობებზე ამ ორგანიზაციის პასუხი, პასუხი თითქმის ყველა ქვეყნის მთავრობის წარმომადგენლისა ამ ორგანოში, არის აბსოლუტური სიჩუმე, გამაყრუებელი სიჩუმე" - ამ სიტყვებზე ისრაელის ლიდერი გაჩუმდა და 45 წამის მანძილზე უსიტყვოდ ათვალიერებდა ასამბლეის წევრებს.
პარტია “ევროპული საქართველოს” ერთერთმა ლიდერმა ოთო კახიძემ ტელეკომპანია პირველის ეთერში მეგის ქარდავას და მიხეილ სააკაშვილის დაცვა დემაგოგიით სცადა, თუმცა ჟურნალისტების მიერ დასმულმა შეკითხვებმა
ყვითელი ავტობუსები არის სასწრაფოდ ჩასანაცვლებელი, - ამის შესახებ ”ინტერპრესნიუსს” თბილისის ახლად არჩეულმა მერმა კახა კალაძემ განუცხადა, რომელმაც დედაქალაქში რამდენიმე ავტობუსით იმგზავრა. კალაძის თქმით, დღეს პირადად გაეცნო როგორც ე.წ. ყვითელ, ასევე ახალ ავტობუსებში არსებულ მდგომარეობას. ”ვიყავი მეტროში, ვნახე ავტობუსების მდგომარეობაც. კარგად ჩანს, რომ ყვითელი ავტობუსები არის სასწრაფოდ ჩასანაცვლებელი. ძალიან დიდი სხვაობაა ახალ, ლურჯ ავტობუსებსა და ყვითელ ავტობუსებს შორის, რომელიც კრიტიკას ვერ უძლებს. შესაბამისად, ძალიან მალე განვახორციელებთ პროექტს, რომლის მიხედვითაც ჩანაცვლდება ე.წ. ყვითელი ავტობუსები ეკოლოგიურად სუფთა, კომფორტული ავტობუსებით”, - განაცხადა კალაძემ. ვიდეო: www.palitravideo.ge